جنوبی افریقہ کے ہینرچ کلاسن نے آسٹریلیا کے خلاف صرف 83 گیندوں پر 174 رنز کی شاندار اننگ کھیلی۔

جنوبی افریقہ میں پانچ میچوں کی ون ڈے سیریز کے چوتھے میچ میں پروٹیز بیٹر ہینرچ کلاسن نے آسٹریلیا کے خلاف 174 رنز کی شاندار اننگ کھیل کر عالمی کرکٹ میں نئے اے بی ڈی ویلیئرز کی آمد کا اعلان کر دیا ہے۔

سپر اسپورٹس پارک سینچورین میں ہونے والے میچ میں آسٹریلیا نے ٹاس جیت کر جنوبی افریقہ کو بیٹنگ کی دعوت دی۔

پروٹیز کے کوئنٹن ڈی کوک 45، رضا ہینڈرکس 28 اور ڈوسن 62 رنز بنا کر آؤٹ ہوئے، 5 ویں نمبر پر بیٹنگ کے لیے آنے والے بیٹسمین ہینرچ کلاسن نے تجربہ کار ڈیوڈ ملر کے ساتھ مل کر کینگروز کے بولرز کو تگنی کا ناچ نچا دیا۔

ہینرچ کلاسن اور ڈیوڈ ملر کی شراکت میں پروٹیز نے 222 رنز جوڑے۔

ہینرچ کلاسن نے ابتدائی 25 رنز کے لیے 24 گیندیں کھیلی، لیکن اگلی 58 گیندوں پر کلاسن کے بلے سے 150 رنز کا سیلاب اُمڈ آیا۔

ہینرچ کلاسن نے مجموعی طور پر 83 گیندوں کا سامنا کیا اور 174 رنز بنائے، جس میں 13 چوکے اور 13 ہی چھکے شامل تھے۔

دوسری جانب ڈیوڈ ملر نے 82 رنز کی ناٹ آؤٹ اننگ کھیلی۔

جنوبی افریقہ نے ہینرچ کلاسن کی دھواں دھار اننگ کی بدولت مقررہ 50 اوورز میں 5 وکٹوں کے نقصان پر 416 رنز کا پہاڑ کھڑا کر دیا۔

ہدف کے تعاقب میں آسٹریلوی ٹیم 34.5 اوورز میں 252 رنز پر ڈھیر ہو گئی۔

جنوبی افریقہ نے یہ میچ 164 رنز سے جیت کر سیریز 2،2 سے برابر کر دی۔

ایشیا کپ 2023 کا فائنل سری لنکا اور بھارت کے مابین کھیلا جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/09/214923/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/09/214923/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں