مراکش میں گزشتہ 60 سال کے دوران آنے والے مہلک ترین زلزلے میں دو ہزار سے زائد افراد ہلاک ہو چکے ہیں۔

عالمی خبر رساں ادارے کی خبر کے مطابق مراکش کے علاقے اٹلس ماؤنٹینمیں آنے والے زلزلے کے نتیجے میں ہلاک ہونے والوں کی تعداد 2012 تک پہنچ گئی ہے۔

امریکی جیولوجیکل سروے کے مطابق زلزلے کی شدت 6.8 ریکارڈ کی گئی اور اس کا مرکز مقامی وقت کے مطابق رات 11 بج کر 11 منٹ پر زمین سے 26 کلومیٹر گہرائی میں تھا۔

ابتدائی طور پر اس زلزلے کی گہرائی تقریبا 18 کلومیٹر بتائی گئی تھی۔

حکام نے 60 سال سے زائد عرصے میں ملک میں آنے والے مہلک ترین زلزلے کے بعد تین روزہ قومی سوگ کا اعلان کیا ہے اور بہت سے افراد بے گھر ہو گئے ہیں۔

زلزلے کا مرکز مراکش کے چوتھے سب سے بڑے شہر مارکیش سے تقریبا 75 کلومیٹر کے فاصلے پر پہاڑوں کے اونچے اٹلس میں واقع صوبہ الحوز میں واقع تھا۔

مارکیش کا پرانا قصبہ، جو یونیسکو کا عالمی ثقافتی ورثہ ہے، کے بارے میں اطلاعات ہیں کہ وہ بری طرح متاثر ہوا ہے اور یہاں کی تاریخی عمارتوں کی منہدم ہونے کی تصاویر سامنے آئی ہیں۔

الحوز سب سے زیادہ متاثر ہونے والا صوبہ تھا جبکہ اورزازات، ازیال، چیچوآوا اور ترودانت صوبے بھی شدید متاثر ہوئے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/09/282197/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/09/282197/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں