عدالت نے اسٹیل ٹاؤن کے نجی اسکول میں پرنسپل کی جانب سے خواتین سے زیادتی کے مقدمے میں ملزم سات روزہ جسمانی ریمانڈ پر پولیس کے حوالے کردیا۔

تفصیلات کے مطابق ملیر کورٹ میں اسٹیل ٹاون کے نجی اسکول میں پرنسپل کی جانب سے خواتین سے زیادتی کے مقدمے کی سماعت میں پولیس نے گرفتاراسکول پرنسپل عرفان غفور کو عدالت پہنچا دیا۔

پولیس کا کہنا تھا کہ ملزم کے خلاف دھمکانے، خواتین کی بے حرمتی اور زیادتی کی دفعات کے تحت مقدمہ درج کیا ہے، ملزم سے تفتیش کے لئے جسمانی ریمانڈ کی استدعا کی جائے گی، ملزم کے قبضے سے برآمد موبائل فون کی فارنسک بھی کروائی جائے گی۔

سرکاری وکیل نےعدالت میں انکشاف کیا کہ ملزم اکیلا نہیں ہے یہ پورا گروہ ہے، تفتیشی افسرنے ملزم کے جسمانی ریمانڈ کی استدعا کی۔

جج نے تفتیشی افسرسے استفسارکیا کہ عرفان کون ہے؟ ملزم سے بیان لیا ہے یا نہیں؟ تفتیشی افسرنے جواب دیا کہ ملزم سے تفتیش کرنی ہے، مزید ڈیوائس بھی تحویل میں لینی ہیں، اب تک 45 سے زائد متاثرہ خواتین کا پتہ چلا ہے، ملزم خواتین کو بلیک میل کرتا تھا۔

سرکاری وکیل نے کہا کہ یہ ایک گروہ ہے، ملزم سے تفتیش کے بعد مزید کارندے بھی گرفتار کرنے ہیں، ملزم کے برآمد موبائل فون کا فارنسک بھی کروانا ہے۔

عدالت نے ملزم کو 7 روزہ جسمانی ریمانڈ پر پولیس کے حوالے کرتے ہوئے آئندہ سماعت پر پولیس سے پیشرفت رپورٹ طلب کرلی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/09/288360/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/latest/2023/09/288360/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔