عدالت نے کم سن ملازمہ تشدد کیس میں ملزمہ سومیاعاصم کو رضوانہ کی طبی رپورٹس مہیا کرنے کی درخواست کا تفصیلی فیصلہ جاری کردیا۔ 

ڈسٹرکٹ اینڈ سیشن کورٹس اسلام آباد نے کم سن ملازمہ رضوانہ تشدد کیس میں ملزمہ سومیاعاصم کو رضوانہ کی طبی رپورٹس مہیا کرنے کی درخواست کا تفصیلی فیصلہ جاری کیا۔

ایڈیشنل سیشن جج محمد ہارون نے 5 صفحات پر مشتمل تفصیلی فیصلہ جاری کیا جس میں کہا گیا کہ رضوانہ کا ابتدائی طبہ معائنہ ڈسٹرکٹ اسپتال سرگودھا میں ہوا، ڈسٹرکٹ اسپتال سرگودھا نے جنرل ہسپتال لاہور میں رضوانہ کو بھیج دیا۔

تفصیلی فیصلے میں عدالت نے کہا کہ ریکارڈ کے مطابق کم سن بچی رضوانہ ابھی بھی زیرعلاج ہیں، رضوانہ کو سرگودھا اور لاہور کے ہسپتالوں میں لےجایاگیا، ٹرائل کورٹ نے دائرہ اختیار میں غلطی کردی۔

عدالت نے فیصلے میں کہا کہ ٹرائل سے قبل پینل کوڈ سیکشن 214 اے کے تحت ملزمہ سومیاعاصم کو گواہان کے بیانات اور متعلقہ دستاویزات مہیا کیے جائیں، پینل کوڈ سیکشن 242اے کے تحت رضوانہ کا بیان ملزمہ سومیاعاصم کو مہیا نہ کیا جائے۔

ایڈیشنل سیشن جج محمد ہارون نے فیصلے میں لکھا کہ ملزمہ سومیاعاصم کا حق ہے کہ انہیں کیس سے متعلق ہر دستاویز مہیاکیاجائے، پولیس نے نامکمل چالان جمع کروا دیا ہے جس میں سرگودھا اورلاہورکی طبی رپورٹس شامل ہے، رضوانہ کی سرگودھا اور لاہور کے اسپتالوں کی طبی رپورٹ ملزمہ سومیاعاصم کو مہیا کی جائیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/09/320957/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/latest/2023/09/320957/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔