ایشیا کپ 2023 کے سپر فور مرحلے میں آج روایتی حریف پاکستان اور بھارت کے مابین ہونے والا میچ کل تک کے لیے ملتوی کر دیا گیا۔

تفصیلات کے مطابق کولمبو میں ایشیا کپ کے سپر فور مرحلے میں پاک بھارت ٹاکرا بارش کے باعث کل تک کے لیے ملتوی کر دیا گیا، جے شاہ کی ضد کے باعث ایونٹ کا مزہ کرکرا ہو گیا ہے۔

کولمبو میں ممکنہ برساتوں کی پیش گوئی کے باوجود ایشین کرکٹ کونسل کے سربراہ جے شاہ نے ایشیا کپ کے شیڈول میں تبدیلی نہیں کی، جس کے باعث پاکستان اور بھارت کے درمیان ایونٹ کے دونوں میچز بارش کی وجہ سے ملتوی ہوئے ہیں۔

آج سپر فور مرحلے میں پاکستان اور بھارت مدمقابل تھے لیکن بارش نے رنگ میں بھنگ ڈال دیا، ملتوی شدہ میچ کل دوبارہ اسی مقام سے شروع کیا جائے گا جہاں سے روکا گیا تھا۔

واضح رہے کہ سری لنکا کے محکمہ موسمیات نے اگلے ایک ہفتے تک کولمبو میں شدید برساتوں کی پیش گوئی کی ہے۔

یاد رہے کہ پاکستان کرکٹ بورڈ نے ایشین کرکٹ کونسل سے درخواست کی تھی کہ سری لنکا میں موسم برسات کے سیزن کے باعث ایونٹ کو متحدہ عرب امارات منتقل کر دیا جائے۔

لیکن جے شاہ نے پی سی بی کی درخواست پر کان نہ دھرے اور ایونٹ کو کسی دوسرے مقام پر ملتوی کرنے سے انکار کر دیا۔

جے شاہ کی اس بے معنی ضد کی وجہ سے براڈ کاسٹرز کو اب تک کروڑوں روپے کا نقصان ہو چکا ہے جبکہ پاک بھارت میچ نہ ہونے سے شائقین میں بھی شدید مایوسی پائی جاتی ہے۔

آج بھارت نے پاکستان کی دعوت پر پہلے بیٹنگ کرتے ہوئے 24.1 اوورز میں 2 وکٹوں کے نقصان پر 147 رنز بنائے تھے کہ بارش کے باعث میچ کو روکنا پڑا۔

وکٹ پر ویرات کوہلی اور کے ایل راہول موجود ہیں جو کل دوبارہ اپنی اننگ کا آغاز کریں۔

پاکستان کی جانب سے شاہین شاہ آفریدی اور شاداب خان نے ایک ایک وکٹ حاصل کی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/09/328289/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/09/328289/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں