آئی ایس پی آر کے مطابق ڈی آئی خان میں سیکیورٹی فورسزکے انٹیلیجنس بیسڈ آپریشن کے دوران ایک دہشتگرد ہلاک اورایک زخمی ہو گیا۔

تفصیلات کے مطابق پاک فوج کے تعلقاتِ عامہ آئی ایس پی آر کی جانب سے جاری بیان میں کہا گیا کہ ڈیرہ اسماعیل خان میں کلاچی کے علاقے میں سیکیورٹی فورسز نے خفیہ اطلاعات کی بنیاد پر کارروائی کی۔ آپریشن کے دوران سیکیورٹی فورسز اور دہشت گردوں کے درمیان فائرنگ کا تبادلہ ہوا۔

آئی ایس پی آر کے مطابق کارروائی کے دوران ایک دہشت گرد ہلاک اور ایک زخمی ہو گیا۔ ہلاک ہونے والے دہشت گرد سے اسلحہ اور بارودی مواد برآمد کیا گیا۔

آئی ایس پی آر نے بتایا کہ دہشت گرد علاقے میں نہ صرف سیکیورٹی فورسز بلکہ بے گناہ شہریوں پر حملوں میں بھی ملوث تھے،  کلاچی میں مقامی آبادی کی طرف سے سیکیورٹی فورسزکی کارروائی کا خیرمقدم کیا گیا۔ علاقے سے دہشت گردوں کے خاتمے کیلئے سینیٹائزیشن آپریشن جاری ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/09/344823/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/latest/2023/09/344823/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔