بالی وڈ کی معروف اداکارہ پرینیتی چوپڑا اور بھارتی سیاست داں راگھو چڈھا کی شادی کی تقریب کی ویڈیوز وائرل ہو گئیں۔

سوشل میڈیا پر وائرل ہونے والی ویڈیو میں اداکارہ پرینیتی کو ڈانس کرتے ہوئے انٹری دیتے ہوئے دیکھا جا سکتا ہے۔

یہ ہی نہیں بلکہ ایک ویڈیو میں دولہا راگھو چڈھا اور دلنہیا پرینیتی چوپڑا کو شادی کی تقریب کے بعد ڈانس کرتے ہوئے اسٹیج سے نیچے اُتر کر آتے دیکھا جا سکتا ہے۔

جبکہ ایک ویڈیو میں اداکارہ پرینیتی چوپڑا کو شوہر راگھو چڈھا کے والدین سے پر جوش انداز میں گلے ملتے ہوئے بھی دیکھا جا سکتا ہے۔

واضح رہے کہ اداکارہ پرینیتی چوپڑا اور بھارتی سیاستداں راگھو چڈھا 24 ستمبر کو اُدے پور میں قریبی دوستوں اور رشتے داروں کی موجودگی میں رشتۂ ازدواج میں منسلک ہوئے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/09/367570/amp/ کو لائک کریں