ایشیا کپ میں قومی ٹیم کی ناقص کارکردگی کے بعد شائقین کرکٹ کی جانب سے آل راؤنڈر عماد وسیم کی قومی ٹیم میں شمولیت کا مطالبہ زور پکڑنے لگا۔ 

ایشیا کپ کے سپر فور مرحلے میں بھارت کیخلاف میچ میں قومی ٹیم کی بدترین شکست اور حارث رؤف ، نسیم شاہ کے ان فٹ ہونے کے سبب اگلے میچز میں شرکت مشکوک ہونے کے باوجود آل راؤنڈر عماد وسیم کو نظر انداز کرنے پر شائقین کرکٹ ناراض دکھائی دیے۔

اب بھی وقت ہے، آل راونڈر @simadwasim کو @ICC ورلڈ کپ اسکواڈ میں شامل کر لینا چاہئیے، کپتان @babarazam258 نے سارے تجربے کر لئے، اب حق دار کو اس کا حق دینے کا وقت ہے، @TheRealPCB کی ٹیم میں چناؤ کے وقت میرٹ پر فیصلے ہونے چاہئیں ، پسند نا پسند کی بنیاد پر نہیں 🏏 pic.twitter.com/c0tqgFhHhy

Advertisement

— Syed Yahya Hussaini (@SYahyaHussaini) September 12, 2023

سینئر اسپورٹس صحافی اور اینکرپرسن سید یحییٰ حسینی نے اپنے ٹویٹ میں لکھا کہ اب بھی وقت ہے عماد وسیم کو ورلڈ کپ اسکواڈ میں شامل کر لینا چاہئے، کپتان بابراعظم نے سارے تجربے کرلئے اب حق دار کو اس کا حق دینے کا وقت ہے۔ ٹیم کی سلیکشن میں پسند ناپسند کے بجائے میرٹ پر فیصلے ہونے چاہئیں۔

خیال رہے کہ عماد وسیم او ڈی آئی کیریئر میں 55 میچز کھیل چکے ہیں جس میں 44 اننگز میں انکی بیٹنگ آئی اور انہوں نے 986 رنز بنائے جبکہ ان میچز میں انہوں نے 44 وکٹیں بھی حاصل کی ہیں۔

شائقین کرکٹ کا کہنا ہے کہ عماد وسیم کو نمبر 6پر کھلایا جائے تو بہت مدد ملے گی ٹیم کو کیونکہ وہ بہتر پاور ہٹنگ کرسکتا ہے جب کہ کچھ صارفین نے تو فہیم اشرف کو بھی آڑے ہاتھوں لیا اور فہیم اشرف کی جگہ عماد وسیم کو ٹیم میں شامل کرنے کا مطالبہ کیا۔

https://twitter.com/Awais_Yarr/status/1698198061879619930?ref_src=twsrc%5Etfw%7Ctwcamp%5Etweetembed%7Ctwterm%5E1698198061879619930%7Ctwgr%5E5235be0c358a05f938851d0bb1c7cca87167ccd7%7Ctwcon%5Es1_&ref_url=https%3A%2F%2Fwww.express.pk%2Fstory%2F2536932%2F16