ہالینڈ کی پولیس نے اعلان کیا کہ جنگی لباس میں ملبوس ایک نامعلوم شخص نے پہلے ایک اپارٹمنٹ میں اور بعد میں اسپتال میں لوگوں پر گولیاں چلائیں۔

عالمی خبر رساں ادارے کی خبر کے مطابق ہالینڈ کی پولیس کا کہنا ہے کہ روٹرڈیم میں یونیورسٹی کے ایک کیمپس اور قریبی گھر کے کلاس روم میں فائرنگ کے نتیجے میں ایک ٹیچر اور ایک مقامی خاتون ہلاک ہو گئیں۔

پولیس نے ٹیلی ویژن پر نشر ہونے والی نیوز کانفرنس میں بتایا کہ 32 سالہ مشتبہ شخص جو یونیورسٹی کا طالب علم تھا، نے اپنے پڑوس میں رہنے والی 39 سالہ خاتون کو گولی مار کر ہلاک کر دیا اور اس کی 14 سالہ بیٹی کو شدید زخمی کر دیا۔

خاتون کے گھر کو آگ لگانے کے بعد حملہ آور یونیورسٹی اسپتال روٹرڈیم میڈیکل سینٹر گیا جہاں اس نے ایک کلاس روم میں داخل ہوکر 46 سالہ ٹیچر کو گولی مار کر ہلاک کر دیا۔

پولیس کا کہنا ہے کہ حملہ آور شخص کو اسپتال کے قریب سے گرفتار کیا گیا، جہاں اس نے آگ بھی لگا دی تاہم ابھی تک حملہ کرنے کی وجوہات کا علم نہیں ہو سکا۔

 روٹرڈیم کے میئر احمد ابوالیب نے کہا کہ بہت سے لوگوں نے اسے دیکھا، ہم سب اس ہولناک واقعے سے صدمے میں ہیں، میری تعزیت متاثرین کے ساتھ ہے۔

روٹرڈیم کے چیف پراسیکیوٹر ہیوگو ہلینار نے کہا کہ مشتبہ شخص قانون نافذ کرنے والے اداروں کو جانتا تھا اور 2021 میں اس پر جانوروں کے ساتھ بدسلوکی کا مقدمہ چلایا گیا اور اسے سزا سنائی گئی۔

پولیس کا کہنا ہے کہ دوسرے حملہ آور کے کوئی اشارے نہیں ملے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/09/493397/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/09/493397/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں