عراق کے کرد علاقے میں قائم ایک ہوائی اڈے پر ڈرون حملے کے نتیجے میں 6 افراد ہلاک ہو گئے ہیں۔

غیر ملکی خبر رساں ادارے کے مطابق شمالی عراق کے نیم خود مختار کرد علاقے سلیمانیہ کے قریب ایک ہوائی اڈے پر مشتبہ ڈرون حملے میں کم از کم چھ افراد ہلاک ہو گئے ہیں۔

سلیمانیہ کے قریب ہوائی اڈے کو نشانہ بنایا گیا غیر ملکی خبر رساں ادارے کے نامہ نگار کے مطابق ہلاک شدگان کی شناخت ابھی باقی ہے۔

رپورٹ کے مطابق سلیمانیہ کے مشرق میں 50 کلومیٹر کے فاصلے پر واقع اربات ہوائی اڈے کو انسداد دہشت گردی لڑاکا آلات استعمال کرتے ہیں جو سلیمانیہ سیکیورٹی فورسز کا حصہ ہیں۔

جبکہ ماضی میں ہوائی اڈے کو زرعی مقاصد کے لئے استعمال کیا جاتا تھا۔

پولیس ذرائع نے خبر رساں ادارے کو بتایا کہ اس حملے میں کرد سکیورٹی فورسز کے دو اہلکار زخمی ہوئے جنہیں سخت سکیورٹی میں سلیمانیہ کے ایک فوجی اسپتال منتقل کیا گیا۔

یہ حملہ ایک ایسے وقت میں ہوا ہے جب عراق کی وفاقی حکومت نے نیم خود مختار کرد علاقے کی انتظامیہ کو تنخواہوں کی ادائیگی کے لیے مزید فنڈز فراہم کیے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/09/541021/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/09/541021/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں