نگراں وزیراطلاعات بلوچستان جان اچکزئی کا کہنا ہے کہ شہدا کی تعداد زیادہ ہے، اب تک صرف ان شہدا کی لسٹ کنفرم کی جن کی ولدیت معلوم ہوسکی۔

نگراں وزیراطلاعات بلوچستان جان اچکزئی نے میڈیا سے گفتگو کرتے ہوئے کہا کہ ایسے بھی خاندان ہیں جو اپنے شہدا کو اسپتال نہیں لائے اور تدفین کردی، جو شہدا اسپتال نہیں لائے گئے انہیں ابھی فہرست میں شامل نہیں کیا۔

جان اچکزئی نے میڈیا کو بتایا کہ ضرورت پڑتی تو زخمیوں کو کراچی منتقل کیا جائےگا، دھماکے میں انتہائی طاقتور بارودی مواد استعمال کیا گیا۔ کوشش ہے زخمیوں کو جلد علاج فراہم کریں۔ تحقیقات کے بعد دھماکے کی نوعیت کا بتایا جاسکتا ہے۔

واضح رہے کہ مستونگ میں جشن میلاد النبیﷺ کے جلوس سے قبل مسجد کے قریب ہونے والے دھماکے میں جاں بحق افراد کی تعداد 52 ہوچکی جبکہ متعدد افراد زخمی ہیں۔ امدادی کارروائیاں جاری ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/09/568255/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/latest/2023/09/568255/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔