ڈیوڈ وارنر نے روی چندرن اشون کے خلاف دائیں ہاتھ کے بلے باز بن کر اپنے سوئپ شاٹ سے سب کو حیران کردیا۔

تفصیلات کے مطابق آسٹریلیا کے ڈیوڈ وارنر اسپنرز کے خلاف اپنی سوئچ ہٹ کے لئے مشہور ہیں لیکن بھارت کے خلاف دوسرے ون ڈے میچ کے دوران روی چندرن ایشون کے خلاف انہوں نے دائیں ہاتھ سے بیٹنگ شروع کرنے کا فیصلہ کیا۔

ڈیوڈ وارنر نے اپنی اننگز کا آغاز بائیں ہاتھ کے بلے باز کے طور پر کیا لیکن آسٹریلیا کی اننگز کے 13 ویں اوور کے دوران انہوں نے دائیں ہاتھ کے بلے باز کا موقف اپنانے کا فیصلہ کیا۔

David Warner as a righty. He is GENIUS 🤯😂😂#INDvAUS #AUSvsIND pic.twitter.com/3f7gv2nddw

Advertisement

— MAK (@Ahmad_0798) September 24, 2023

آسٹریلوی اوپنر نے پہلی گیند کو ہلکے پھلکے انداز میں کھیلا لیکن اگلے موقع پر انہوں نے شاندار سویپ شاٹ حاصل کیا جو فائن لیگ باؤنڈری تک پہنچ گیا۔ اس شاٹ اور دائیں ہاتھ کے بلے باز بننے کے ان کے فیصلے نے سب کو حیران کر دیا.

بھارت نے اس میچ میں 399 رنز کے پہاڑ جیسا ٹوٹل بنایا تھا، ہدف کے تعاقب میں کینگروز کے 56 رنز پر 2 کھلاڑی آؤٹ ہوئے تھے کہ بارش کی وجہ سے میچ روکنا پڑا۔

بارش کی وجہ سے آسٹریلوی بیٹنگ کے 11 اوورز ضائع ہوئے، جس کے بعد آسٹریلیا کو 33 اوورز میں 317 رنز کا ہدف ملا، مگر آسٹریلوی ٹیم 28.2 اوورز میں 217 رنز پا ڈھیر ہو گئی۔

بھارت نے یہ میچ 99 رنز سے جیت کر تین میچوں کی سیریز میں ناقابل شکست برتری حاصل کر لی ہے۔

بھارت نے پہلے ون ڈے میچ میں آسٹریلیا کو 5 وکٹوں سے شکست دی تھی۔ سیریز کا تیسرا اور آخری ون ڈے 27 ستمبر کو راجکوٹ میں کھیلا جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/09/604059/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/09/604059/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں