بالی وڈ کے دو ستاروں کے درمیان ہدایت کار راج کمار ہیرانی کی اگلی فلم کا حصہ بننے کی دوڑ شروع ہوگئی۔

غیر ملکی خبر رساں ادارے کے مطابق فلم ڈنکی کی عکاس بندی کے بعد کی سرگرمیوں میں راج کمار ہیرانی نے اپنا اگلا پروجیکٹ فائنل کرلیا ہے۔

یاد رہے کہ بالی وڈ اداکار شاہ رخ خان کے ساتھ اُن کی بنائی گئی فلم ’ڈنکی‘ رواں برس کرسمس پر سنیما گھروں کی زنیت بن جائے گی۔

راج کمار ہیرانی اس کے بعد آزاد بھارت کی کرکٹ ٹیم کے پہلے کپتان لالہ امرناتھ کی زندگی پر مبنی فلم بنانے جارہے ہیں۔

تاہم اس فلم کی کہانی پر کام تکمیل کے مراحل میں ہے۔

راج کمار ہیرانی کے قریبی ذرائع نے تصدیق کی ہے کہ اس فلم کے مرکزی کردار کےلیے ہدایتکار کے ذہن میں دو نام عامر خان اور  رنبیر کپور ہیں۔

بھارت کے نامور ہدایتکار اس حوالے سے حتمی فیصلہ فلم کی کہانی کی تکمیل کے بعد کریں گے۔

انہوں نے اداکاروں کے انتخابات کے حوالے سے اپنا رویہ لچک دار بنالیا ہے۔

دراصل راج کمار ہیرانی ان دونوں ہی اداکاروں کے ساتھ فلم بنا چکے ہیں، عامر خان کے اُن کی فلم تھری ایڈیٹس اور پی کے تھی تو رنبیر کپور کے ساتھ ’سنجو‘ رہی ہے۔

تاہم ہدایتکار دونوں اداکار کو اس فلم کے حوالے سے بتاچکے ہیں۔

البتہ اداکار عامر خان کے پاس پہلے اسکرپٹ گیا تھا اور انہوں نے اس فلم کے حوالے دلچسپی بھی ظاہر کی ہے۔

اب کہانی کی تکمیل کے بعد عامر خان نے اسے چھوڑا تو اگلا نمبر رنبیر کپور کا ہے۔

راج کمار ہیرانی اس سے متعلق اداکار سے مختصر بات بھی کرچکے ہیں لیکن حتمی بات چیت عامر خان کے انکار کے بعد ہی ہوگی۔

اس فلم کے لیڈ رول کے حوالے سے یہ بات بھی زیرگردش ہے کہ اگر عامر خان اور رنبیر کپور سے بات نہ بن سکی تو یہ کردار وکی کوشل کو بھی مل سکتا ہے۔

واضح رہے لالا امرناتھ کی زندگی پر مبنی فلم کی شوٹنگ اگلے برس کے دوسرے ہاف میں شروع ہوگی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/latest/2023/09/608846/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/09/608846/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں۔