بالی وڈ اداکارہ پرینیتی نے اپنے منگیتر، سیاستدان راگھو چڈھا سے ملاقات کا احوال بتا دیا۔

اداکارہ منگنی کے بعد سے بار بار منگنی کی ہی خوبصورت تصویریں اور ویڈیوز اپلوڈ کیے جا رہی ہیں جس سے ایسا لگتا ہے کہ اداکار تاحال اپنی منگنی کی تقریب کے سحر سے باہر نہیں آ سکی ہیں۔

حال ہی میں ایک بار پھر اداکارہ نے اپنی منگنی کی کچھ تصاویر دلچسپ کیپشن کے ساتھ پوسٹ کی ہیں۔

انہوں نے اپنی پوسٹ پر لکھا کہ وہ پہلی بار اپنے پرانے دوست اورمنگیتر راگھو چڈھا سے ناشتے پر ملی تھیں۔

اداکارہ نے لکھا کہ ہم نے ایک ساتھ ناشتہ کیا تھا اور مجھے محسوس ہو گیا تھا کہ میں کسی خاص شخص سے ملی ہوں۔

انہوں نے راگھو کی تعریف کرتے ہوئے مزید لکھا کہ راگھو ایک حیرت انگیز شخص ہے جس کی شخصیت خاموش، طاقتور، پرسکون، پرامن اور متاثر کن ہے، اس کی حسِ مزاح، عقل اور دوستی خالصتاً خوشی ہے، وہ میرا گھر ہے۔

واضح رہے اداکارہ پرینیتی کا مزید کہنا تھا کہ ہماری منگنی کی پارٹی ایک خواب کے مترادف تھی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/09/609753/amp/ کو لائک کریں