سیاستدانوں کیخلاف توشہ خانہ معاملے پر سماعت کرتے ہوئےعدالت نے الیکشن کمیشن کو تحریری جواب جمع کرانے کی آخری مہلت دے دی۔

تفصیلات کے مطابق لاہورہائی کورٹ میں توشہ خانہ تحائف کو الیکشن کمیشن کے کاغذات میں ظاہر نہ کرنیوالے سیاستدانوں کیخلاف درخواست کی سماعت ہوئی۔

سماعت کے دوران عدالت نے الیکشن کمیشن کی جانب سے جواب داخل نہ کرانے پرسخت اظہار برہمی کیا اور الیکشن کمیشن کو تحریری جواب جمع کرانے کی آخری مہلت دیدی۔

توشہ خانہ تحائف ظاہر نہ کرنے والے سیاستدانوں کیخلاف کیس
براہ راست دیکھیں:https://www.bolnews.com/urdu/latest/2023/09/631993/amp/#BOLNews #ToshaKhana pic.twitter.com/j9Y3PqK2Tt

Advertisement

— BOL Network (@BOLNETWORK) September 26, 2023

جسٹس راحیل کامران شیخ نے سماعت کرتے ہوئے کہا کہ آپ نے عدالتوں کا مذاق بنارکھا ہے، ایک ماہ گزرنے کےباوجود جواب کیوں جمع نہیں کرایاگیا۔ کیوں نہ عدالت آج ہی اس درخواست پر فیصلہ سنائے۔

لاہور ہائی کورٹ نے سماعت 2 اکتوبر تک ملتوی کردی۔

ایڈووکیٹ ندیم سرور نے دلائل دیے جس میں انھوں نے مؤقف اپنایا کہ الیکشن کمیشن نے جانبداری کا مظاہرہ کیا، صرف ایک شخصیت کے خلاف کارروائی کی گئی، الیکشن کمیشن نے توشہ خانہ کیس میں پسند اور نا پسند کو ملحوظ خاطر رکھا، چیئرمین تحریک انصاف کے خلاف توشہ خانہ میں کارروائی کر کے نااہل قرار دیا گیا۔

وکیل درخواست گزارنے مؤقف اپنایا کہ الیکشن کمیشن نے کسی دوسرے رکن اسمبلی کے خلاف شکایت درج نہیں کی، تحائف لینے اور ظاہر نہ کرنے والے اراکین اسمبلی کے خلاف یکساں کارروائی ہونی چاہیے، استدعا ہے کہ عدالت توشہ خانہ کے تحائف ظاہرنہ کرنے والے ممبران اسمبلی کے خلاف قانونی کارروائی کا حکم دے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/09/631993/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/latest/2023/09/631993/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔