بھارتی میڈیا نے دعویٰ کیا ہے کہ پی سی بی نے اے سی سی سے ایشیا کپ کی منتقلی سے ہونے والے نقصان کے معاوضے کا مطالبہ کر دیا ہے۔

بھارتی میڈیا کی رپورٹس کے مطابق پاکستان کرکٹ بورڈ (پی سی بی) نے سری لنکا میں ہونے والے ایشیا کپ میچز کی وجہ سے ہونے والے گیٹ منی کے نقصان پر ایشین کرکٹ کونسل سے معاوضے کا مطالبہ کردیا۔

بھارتی میڈیا کا کہنا ہے کہ اگرچہ پی سی بی نے اس معاملے پر کوئی باضابطہ بیان جاری نہیں کیا ہے لیکن کچھ میڈیا اداروں نے خبر دی ہے کہ بورڈ کے چیئرمین ذکا اشرف نے اے سی سی کے صدر جے شاہ کو باضابطہ خط لکھ کر معاوضے کا مطالبہ کیا ہے۔

رپورٹس میں کہا گیا کہ پی سی بی چیئرمین ذکاء اشرف نے سری لنکا میں میچوں کے شیڈول کو اے سی سی کی جانب سے سنبھالنے کے طریقہ کار پر مایوسی کا اظہار کیا ہے۔

بھارتی میڈیا کا کہنا ہے کہ پی سی بی کے سربراہ نے کسی کا نام لیے بغیر یہ بھی پوچھا کہ اے سی سی بورڈ کے دیگر ارکان کو اعتماد میں لیے بغیر مقامات کی منتقلی کے آخری لمحات کے فیصلوں کا ذمہ دار کون ہے۔

ذکاء اشرف کے خط میں بھارت اور نیپال کے درمیان مقابلے کے بعد سری لنکا اور پاکستان سمیت اے سی سی کے کچھ ارکان کے درمیان ہونے والی ملاقات کا بھی ذکر ہے۔

بھارتی میڈیا نے مزید بتایا کہ ذکاء اشرف نے لکھا ہے کہ اجلاس میں اس بات پر اتفاق کیا گیا کہ چونکہ پیش گوئی یہ ہے کہ ہمبنٹوٹا خشک رہے گا اس لیے کولمبو میں ہونے والے میچز وہاں منتقل کیے جائیں۔’

خط کے مطابق 5 ستمبر کو میزبان ممالک اور اے سی سی کی جانب سے فیصلہ کیا گیا تھا کہ میچز ہمبنٹوٹا منتقل کیے جائیں جس کے بعد سری لنکا کے ہیڈ کیوریٹر کو پچز تیار کرنے کے لیے روانہ کیا گیا۔

خط میں یہ بھی ذکر کیا گیا ہے کہ نشریاتی عملے نے بھی ہمبنٹوٹا منتقل ہونے کے انتظامات شروع کردیے تھے۔

خط میں کہا گیا ہے کہ اے سی سی نے پی سی بی کو ایک ای میل بھیجی جس میں اس کی تصدیق کی گئی ہے، جو وینیو کی تبدیلی کا اعلان کرنے کے لیے پریس ریلیز بھیجے گی۔

پی سی بی چیئرمین ذکاء اشرف نے حیرت کا اظہار کیا ہے کہ کچھ عرصے بعد پی سی بی کو ای میل پر غور نہ کرنے کے لیے کہا گیا لیکن بعد میں اعلان کیا گیا کہ میچز اصل شیڈول کے مطابق کینڈی اور کولمبو میں ہوں گے۔

ذکاء اشرف نے ٹورنامنٹ اور مقامات کے حوالے سے اہم فیصلے کرتے ہوئے میزبان پاکستان کو نظر انداز کرنے پر بھی برہمی کا اظہار کیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/09/663582/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/09/663582/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں