چوہدری پرویز الہٰی نے کہا ہے کہ جھوٹے مقدمات کا ڈٹ کر مقابلہ کروں گا۔

تفصیلات کے مطابق سابق وزیراعلیٰ پنجاب چوہدری پرویز الہٰی سے اڈیالہ جیل میں ان کے وکیل سردار عبدالرازق خان ایڈووکیٹ کی ملاقات ہوئی جس میں مقدمات اور قانونی امور پر تبادلہ خیال کیا گیا۔

جوہدری پرویز الہٰی نے اپنے وکیل سردار عبدالرازق کو جیل میں ہونے والے سلوک اور سختیوں سے آگاہ کیا۔

سابق وزیراعلیٰ پنجاب چوہدری پرویز الہٰ نے کہا کہ چار ماہ سے مسلسل سیاسی انتقام کا نشانہ بنایا جارہا ہے، اوچھے ہتھکنڈے مجھے اپنے سیاسی موقف سے پیچھے نہیں ہٹا سکتے، جھوٹے مقدمات کا ڈٹ کر مقابلہ کروں گا۔

ملاقات کے بعد میڈیا سے گفتگو کرتے ہوئے کہا کہ سردار عبدالرازق ایڈووکیٹ کا کہنا ہے کہ جوہدری پرویز الہٰی کو جیل میں ان کے قانونی استحقاق کے مطابق سہولتیں دینے کے بجائے سختیاں کی جارہی ہیں، ان کے سیل کے آگے دیوار بنا کر روشنی اور ہوا بند کردی گئی ہے

 سردار عبدالرازق نے مزید کہا کہ گرمی اور حبس میں رکھ کر پریشان کیا جاتا ہے جبکہ چوہدری پرویز الہٰی کو واک کرنے کی بھی اجازت نہیں دی جاتی ، جوہدری پرویز الہٰی کے ساتھ ناروا سلوک کے خلاف ہائیکورٹ سے رجوع کریں گے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/latest/2023/09/695995/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/09/695995/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں