امریکہ کے سینیٹر باب میننڈیز اور ان کی اہلیہ پر مصر کو فائدہ پہنچانے کے لیے رشوت لینے کے الزام میں فرد جرم عائد کر دی ہے۔

غیر ملکی خبر رساں ادارے کی خبر کے مطابق معروف سینیٹر باب میننڈیز اور ان کی اہلیہ پر رشوت لینے کے الزام میں فرد جرم عائد کر دی گئی ہے، ان کے گھر سے لاکھوں ڈٓالر کی قیمتی اشیاء بھی برآمد ہوئی ہیں۔

امریکی استغاثہ نے ان دونوں پر مصر کے فائدے کے لیے خارجہ پالیسی پر اثر انداز ہونے کے لیے ڈیموکریٹک پارٹی کی طاقت کو استعمال کرنے سمیت متعدد بدعنوان اقدامات کے لیے رشوت لینے کا الزام عائد کیا ہے۔

مین ہیٹن میں امریکی اٹارنی آفس نے باب میننڈیز اور ان کی اہلیہ نادین پر نیو جرسی کے تین تاجروں کے ساتھ تعلقات کے سلسلے میں سیکڑوں ڈالر رشوت لینے کا الزام عائد کیا ہے۔

فرد جرم میں کہا گیا ہے کہ ان رشوتوں میں نقد رقم، سونا، گھر کے رہن کی ادائیگی، کم تنخواہ کی نوکری کا معاوضہ، لگژری گاڑی اور دیگر قیمتی چیزیں شامل ہیں۔

استغاثہ کا کہنا ہے کہ جوڑے کے گھر کی تلاشی کے دوران ایک لاکھ ڈالر سونے کی سلاخیں اور چار لاکھ 80 ہزار ڈالر نقد برآمد ہوئے۔

میننڈیز اور ان کی اہلیہ پر تین تین مجرمانہ الزامات ہیں: رشوت خوری کی سازش، ایماندارانہ خدمات میں دھوکہ دہی کی سازش اور سرکاری حق کے میں بھتہ خوری کی سازش شامل ہے۔

خبر رساں ادارے کے مطابق میننڈیز کی اہلیہ کے وکیل نے فوری طور پر کیس کے حوالے سے جواب دینے سے انکار کر دیا ہے۔

امریکی سینیٹ کی کمیٹی برائے خارجہ تعلقات کے 69 سالہ سربراہ باب میننڈیز پر اس سے قبل نیو جرسی میں نجی پروازیں، انتخابی مہم میں چندہ اور دیگر رشوت لینے کا الزام عائد کیا گیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/09/718228/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/09/718228/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں