ہنگو کےعلاقے دوآبہ میں پولیس اسٹیشن کی مسجد میں خود کش دھماکا ہوا جس کے نتیجے میں 5 افراد شہید اور 12 زخمی ہو گئے۔

تفصیلات کے مطابق ہنگو میں دوآبہ میں پولیس اسٹیشن میں موجود مسجد میں خود کش دھماکے سے مسجد کی چھت منہدم ہوگئی۔

ھماکے میں چار افراد جاں بحق جبکہ بارہ زخمی ہوئے ہیں۔

پولیس کے مطابق باقی افراد کو ملبے سے نکالنے کے لیے آپریشن جاری ہے جبکہ زخمیوں کو قریبی اسپتال منتقل کر دیا گیا ہے۔

Advertisement

پاکستان میں بدامنی پھیلانے کی گھناؤنی سازش
پولیس لائن کی مسجد میں خطبہ جمعہ کے دوران دھماکا
متعدد افراد مسجد کے ملبے تلے دبے ہوئے ہیں #Hangu #BOLNews pic.twitter.com/LaeMxqhddW

— BOL Network (@BOLNETWORK) September 29, 2023

بیک اپ سپورٹ کے لیے 2 ایمبولینسز کوہاٹ سے بھی روانہ کیا گئیں ہیں، ریسکیو1122 کی میڈیکل و دیگر ٹیمیں بھی روانہ کی گئیں۔

دوسری جانب نگران وزیر اعلی خیبر پختونخوا محمد اعظم خان نے پولیس حکام سے واقعے کی رپورٹ طلب کرلی اورریسکیو اداروں اور ضلعی انتظامیہ کو فوری طور پر امدادی کارروائیوں کی ہدایت کردی۔

وزیراعلی نے متعلقہ ڈویژنل کمشنر اور ڈپٹی کمشنر کو امدادی کاموں کی خود نگرانی کرنے اورہنگو کے اسپتالوں میں ایمرجنسی نافذ کرنے کی ہدایت کی۔

نگران وزیر اعلی خیبر پختونخوا محمد اعظم خان نے کہا کہ دھماکے کے زخمیوں کو بروقت طبی امداد کی فراہمی کو یقینی بنایا جائے۔

محمداعظم خان نے دھماکے کی جگہ کا معائنہ کرنے کے لیے چیف سیکرٹری اور آئی جی کے پی کو فوری ہنگو پہنچنےکی ہدایت بھی کی۔

نگراں وزیراعظم انوارالحق کاکڑنے ہنگومیں مسجد میں ہونے والے دھماکے کی شديد مذمت کرتے ہوئے دھماکے میں جانی نقصان پر گہرے دکھ اور رنج کا اظہارکیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/09/788060/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/latest/2023/09/788060/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔