امریکی ریاست فلوریڈا میں ریل کراسنگ پر مال بردار ٹرین کے کار سے ٹکرانے کے نتیجے میں پانچ افراد ہلاک ہو گئے۔

امریکی میڈیا کے مطابق فلوریڈا میں پلانٹ سٹی ریلوے کراسنگ پر ایک کار مال بردار ٹرین سے ٹکرا گئی جس کے نتیجے میں کار میں سوار 5 افراد ہلاک ہو گئے ہیں۔

شیرف چاڈ کرونسٹر نے ویڈیو فوٹیج اور عینی شاہدین کی گواہی کا حوالہ دیتے ہوئے ایک نیوز کانفرنس میں بتایا کہ یہ حادثہ پلانٹ سٹی کراسنگ پر ہوا، اس کراسنگ کو صرف سائن بورڈ کے ذریعے کنٹرول کیا جاتا ہے۔

شیرف چاڈ کرونسٹر نے کہا کہ ٹرین کے کنڈکٹر نے اس ٹرین کو سست کرنے کی ہر ممکن کوشش کی اور ڈرائیور کو متنبہ کرنے کے لئے ہارن اور لائٹس کا استعمال بھی کیا۔

شیرف چاڈ کرونسٹر کا کہنا تھا کہ کار میں سات افراد سوار تھے جس میں بچے بھی شامل تھے۔

شیرف چاڈ کرونسٹر نے بتایا کہ ریسکیو اہلکاروں نے کار کے مسافروں کو نکالا، دو زخمیوں کو اسپتال منتقل کر دیا ہے اور دونوں کی حالت تشویشناک ہے۔

کرونسٹر نے اس سے قبل سوشل میڈیا پر لکھا تھا کہ حادثے کے وقت ٹرین تقریبا 55 میل فی گھنٹہ کی رفتار سے سفر کر رہی تھی۔

شیرف کا کہنا تھا کہ پولیس اب بھی متاثرین کی شناخت کے لیے کام کر رہی ہے لیکن ان کا ماننا ہے کہ وہ ایک ہی خاندان کے تھے جو لاطینی امریکہ میں ایک لڑکی کی 15 ویں سالگرہ کی تقریبات میں شرکت کے لیے جا رہے تھے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/09/815237/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/09/815237/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں