مرتضٰی وہاب کا کہنا ہے کہ جماعت اسلامی ہمیں ٹیکس جمع نہیں کرنے دیتی، جماعت اسلامی نہیں چاہتی شہراپنے پیروں پر کھڑا ہو۔

میئرکراچی مرتضٰی وہاب نے میڈیا سے گفتگو کرتے ہوئے کہا کہ شہریوں کو مزید تفریحی سہولیات فراہم کریں گے۔ جماعت اسلامی ہمیں ٹیکس جمع نہیں کرنے دیتی، جماعت اسلامی نہیں چاہتی شہراپنے پیروں پر کھڑا ہو، چاہتے ہیں شفاف طریقے سے کام کیا جائے۔

میئر کراچی نے کہا کہ کسی مافیاکونہیں چلنے دینگے، ہم مافیا کا حصہ نہیں ہیں، آنے والی نسلوں کو بہتر کراچی دینا چاہتے ہیں، جس شہر کی آبادی صحیح نہ پتا ہو وہاں کیا پلاننگ ہوگی، پانی مافیا کےخلاف کارروائی ہوتی نظر آرہی ہے۔

مرتضٰی وہاب نے کہا کہ کچھ جگہوں پرکارروائی کے بعد پانی کی قلت ختم ہوگئی، جو اچھا کام ہوا اسے نگراں وزیراعلیٰ سندھ نے سراہا ہے، یہ نہیں کہتا میرے پاس اختیارات نہیں ہیں، کچرے سے سستی بجلی پیدا کرکے فائدہ عوام کو پہنچائیں گے۔

انھوں نے کہا کہ شہر میں چیلنجز ہیں اس پر کام کیا جارہا ہے، 50میگاواٹ بجلی کے منصوبے پر کام شروع کردیاہے، کراچی میں کچرے کا مسئلہ حل کریں گے، شہر کی منفی چیزوں کومثبت میں بدلنا ہوگا۔

میئر کراچی مرتضیٰ وہاب نے مذید کہا کہ چاہتے ہیں چیزوں کو بہتر کیا جائے، صفائی کی صورتحال کو بھی بہتر کیا جائےگا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/09/891354/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/latest/2023/09/891354/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔