سعودی عرب کے فٹ بال کلب الاتحاد نے محمد صلاح کے لیے لیور پول کو عالمی ریکارڈ فیس دینے کا اعلان کر دیا ہے۔

برطانوی اخبار کی رپورٹ کے مطابق سعودی کلب الاتحاد کے حکام مصری سپر اسٹار کے لیے 270 ملین ڈالر کی پیشکش کرنے کے لیے برطانیہ میں موجود ہیں۔

برطانوی اخبار نےدعویٰ کیا ہے کہ سعودی پرو لیگ چیمپیئن الاتحاد لیورپول کے اسٹار محمد صلاح کو 215 ملین پاؤنڈ (270 ملین ڈالر) کی عالمی ریکارڈ پیشکش کرکے میدان میں اتارنے کی ایک نئی کوشش کر رہا ہے۔

برطانوی اخبار نے پیر کے روز اپنی رپورٹ میں کسی ذرائع کا حوالہ نہیں دیا اور کہا کہ الاتحاد کے عہدیداروں نے جمعرات کو سعودی ٹرانسفر ونڈو بند ہونے سے قبل 31 سالہ مصری شہری کو سائن کرنے کی تازہ ترین کوشش میں برطانیہ کا سفر کیا۔

رپورٹ کے مطابق دنیا کے سب سے بڑے عرب فٹ بالر صلاح کو سعودی پرو لیگ میں ایک ہفتے میں 2.45 ملین پاؤنڈ کی ریکارڈ تنخواہ کی پیش کش کی گئی ہے۔

رپورٹ میں یہ بھی بتایا گیا ہے کہ صلاح کو اپنے معاہدے کی مدت کے دوران شرٹس کی فروخت کا ایک اہم فیصد، 55،000 پاؤنڈ کا بونس اور کم از کم تین بڑی سعودی کمپنیوں کے ساتھ سفیر کے عہدے کی پیش کش بھی کی گئی تھی۔

لیورپول فٹ بال کلب نے برطانوی اخبار کی رپورٹ پر تبصرہ کرنے کی درخواست پر فوری طور پر کوئی جواب نہیں دیا۔

گزشتہ ہفتے مرسی سائیڈ کلب نے سعودی کلب کی جانب سے صلاح کے لیے 18 کروڑ 96 لاکھ ڈالر کی پیشکش مسترد کر دی تھی جو ملک کے پبلک انویسٹمنٹ فنڈ (پی آئی ایف) کا حصہ ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/09/939257/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/09/939257/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں