ہردیپ سنگھ نجر کے قریبی ساتھی گرمیت سنگھ طور کا کہنا ہے کہ کینیڈین حکومت نے خبردار کیا ہے بھارت انہیں بھی قتل کر سکتا ہے۔

عالمی خبر رساں ادارے کی خبر کے مطابق کینیڈا کی حکومت نے بھارت کی سازش بے نقاب کرتے ہوئے ہوئے خبردار کیا ہے کہ مقتول ہردیپ سنگھ نجر کے قریبی ساتھی گرمیت سنگھ طور کو قتل کیا جا سکتا ہے۔

گرمیت سنگھ طور گرو نانک سکھ گوردوارہ برٹش کولمبیا سرے کے سیکرٹری بھی ہیں۔

گرمیت سنگھ طور کا کہنا ہے کہ  جس روز ہردیپ سنگھ نجر کی شہادت ہوئی ہم تمام دن اکھٹے تھے، فائرنگ کی آواز بھی اپنے کانوں سے سنی تھی۔

گرمیت سنگھ طور نے ہردیپ سنگھ نجر کے قتل کے بعد ان کے اہل خانہ کو انصاف دلانے کے لیے اپنے عزم کا اعادہ کرتے ہوئے کہا کہ ہردیپ کے قاتلوں کو کیفر کردار تک پہنچانا میری زندگی کا اہم مقصد ہے۔

گرمیت سنگھ نے کہا کہ بھارت اس زعم میں مبتلا ہے کہ ہردیپ سنگھ نجر کے قتل کے بعد خالصتان کی تحریک دم توڑ جائے گی۔

گرمیت سنگھ طور نے کہا کہ ہردیپ سنگھ نجر کے قتل کے اگلے ماہ اگست میں پولیس نے مجھے گھر پر آکر خبردار کیا کہ میری جان کو بھارت سے خطرہ ہے۔

گرمیت سنگھ کے مطابق کینیڈا کی انٹیلی جنس ایجنسی کے اہلکاروں نے کہا کہ بھارتی سفارت کار اور انٹیلی جنس کے ایجنٹ انھیں مارنا چاہتے ہیں۔

کینیڈا میں سکھ رہنماؤں کے قتل میں ملوث بھارتی اہلکاروں کے پوسٹر گوردواروں کے باہر چسپاں کردئیے ہیں۔

گرمیت سنگھ طور نے مزید کہا کہ کینیڈا میں ریفرنڈم کے حوالے سے لوگوں کے جوش و خروش میں مسلسل اضافہ ہورہا ہے، اور بھارت کی گیدڑ بھبکیوں سے خوف زدہ نہیں ہوں گے۔

واضح رہے کہ کینیڈا کے وزیراعظم نے بھی واضح کردیا ہے کہ ہردیپ سنگھ نجر کے قتل میں بھارت کے ملوث ہونے کے ثبوت ہیں۔

گرمیت سنگھ کا کہنا تھا کہ ہمیں تو روز اول سے پتہ تھا کہ اس واردات کے پیچھے بھارت کا ہاتھ ہے۔

گرمیت سنگھ طور نے اس عزم کا بھی اعادہ کیا کہ کینیڈا میں سکھ فار جسٹس کے تحت خالصتان کی آزادی کیلئے پر امن مہم بغیر کسی وقفے کے جاری رہے گی۔

گرمیت سنگھ نے مزید کہا کہ ہردیپ سنگھ نجر کو خاموش کرانے کے تمام حربے ناکام ہونے پر راستےسے ہٹایا گیا اور کینیڈا کے طلب کرنے کے باوجود بھارت ہردیپ سنگھ نجر کے خلاف کسی غلط کام میں ملوث ہونے کا ثبوت نہیں دے سکا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/10/144623/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/10/144623/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں