بالی وڈ فلم ’ٹائیگر3‘ میں کترینہ کیف کے کردار کی جھلک سامنے آگئی ہے۔

یش راج کے بینرتلے بننے والی فلم میں اداکارہ کترینہ کیف ایکشن سے بھرپور کردار میں نظر آ رہی ہیں۔

اس فلم میں بالی وڈ کے معروف اداکار سلمان خان اور کترینہ کیف مرکزی کردار ادا کر رہے ہیں۔

حال ہی میں فلم ’ٹائیگر3‘ کے ریلیز ہونے والے ٹریلر پر اداکار وکی کوشال نے بھی رد عمل پیش کر دیا ہے۔

وکی نے انسٹاگرام اسٹوری پر فلم کے ٹریلر کو شیئر کرتے ہوئے اپنی اہلیہ کترینہ کے ایکشن سے بھرپور انداز پر شاندار کا کمنٹ کیا۔

زویا کے کردار میں نظر آنے والی کترینہ کیف یش راج فلمز کی اسپائے یونیورس کی پہلی خاتون جاسوس ہیں۔

تاہم اداکارہ کترینہ نے ’ایک تھا ٹائیگر‘ اور ’ٹائیگر زندہ ہے‘ میں بھی بہترین پرفارمنس دکھائی تھی۔

فلم ’ٹائیگر3‘ میں ادا کیے جانے والے کردار کے حوالے سے کترینہ نے انکشاف کیا تھا کہ فلم میں ایکشن مناظر کو شوٹ کرانے کے لیے انھیں جسمانی طور بہت محنت کرنی پڑی اور یہ اب تک کا چیلنجنگ کردار تھا۔

اداکارہ نے مزید کہا کہ وہ ایکشن فلموں کو بہت بڑی مداح ہیں اور ’زویا‘ جیسا چیلنجنگ کردار ادا کرنا ان کا خواب تھا۔

واضح رہے فلم ’ٹائیگر3‘ 12 نومبر کو ریلیز کی جائے گی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/10/148877/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/10/148877/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں