آسٹریلیا کے سابق کپتان رکی پونٹنگ نے بھارتی کرکٹ ٹیم کو خبردار کرتے ہوئے کہا کہ وہ ورلڈ کپ میں دباؤ میں آ سکتے ہیں۔

میڈیا رپورٹس کے مطابق آسٹریلیا کے سابق کرکٹر رکی پونٹنگ آئی سی سی کرکٹ ورلڈ کپ 2023 میں بھارتی ٹیم کو خبردار کرتے ہوئے کہا کہ ایک شکست ان کے خواب چکنا چور کر سکتی ہے۔

رکی پونٹنگ جو 1999، 2003 اور 2007 میں آسٹریلیا کی 50 اوورز کا ورلڈ کپ جیتنے والی ٹیموں کا حصہ تھے، نے انٹرنیشنل کرکٹ کونسل کے ساتھ بات چیت میں ٹورنامنٹ میں میزبان ٹیم کی کارکردگی پر اپنے خیالات کا اظہار کیا۔

سابق بلے باز کا کہنا ہے کہ ایونٹ میں ایک کارکردگی کا ایک خراب دن بھارت کو دباؤ میں لا سکتا ہے۔

رکی پونٹنگ کا کہنا تھا کہ انفرادی کھلاڑیوں کے ساتھ ایک ٹیم اور انفرادی طور پر دباؤ بڑھنے کے لیے ایک خراب کھیل کی ضرورت ہوگی۔

آسٹریلیا کے سابق کپتان نے کہا کہ بھارت کی تیز گیند بازی، اسپن اور ٹاپ آرڈر اور مڈل آرڈر بیٹنگ نے ٹیم کی خامیوں پر پردہ ڈال رکھا ہے اور فی الحال انہیں شکست دینا بہت مشکل ہے۔

رکی پونٹنگ کے مطابق ورلڈ کپ میں عمدہ آغاز سے بھارتی ٹیم خوش ہے لیکن مجھے ڈر ہے کہ ایک شکست کی وجہ سے دباؤ کسی بھی وقت روہت شرما کی ٹیم پر آ سکتا ہے۔

بھارتی کرکٹ ٹیم آئی سی سی ون ڈے ورلڈ کپ میں تین فتوحات کے ساتھ ناقابل شکست ہے، انہوں نے اپنی مہم کا آغاز چنئی کے چیپوک اسٹیڈیم میں آسٹریلیا کو چھ وکٹوں سے شکست دے کر کیا۔

بھارت نے نئی دہلی کے ارون جیٹلی اسٹیڈیم میں افغانستان کو آٹھ وکٹوں سے شکست دی اور احمد آباد کے ارون جیٹلی میں کھیلے گئے میچ میں روایتی حریف پاکستان کو سات وکٹوں سے شکست دی۔

بھارتی کرکٹ ٹیم کل پونے کے سبرت رائے سہارا کرکٹ اسٹیڈیم میں بنگلہ دیش کے مد مقابل ہو گی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/10/189978/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/10/189978/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں