کرکٹ کی معروف ویب سائٹ نے پاکستان کے ایک سینئر کھلاڑی کے حوالے سے خبر دی ہے کہ ٹیم کی ناکامی پی سی بی کے فائدے میں ہے۔

تفصیلات کے مطابق ایک کرکٹ ویب سائٹ نے ایک سینئر کھلاڑی کے حوالے سے خبر دی ہے کہ پاکستان کرکٹ بورڈ چاہتا ہے کہ ٹیم میں تبدیلیاں کرنے کے لیے کھلاڑی ناکام ہوجائیں۔

نیدرلینڈز اور سری لنکا کے خلاف اپنے ابتدائی دو میچز جیتنے کے بعد پاکستان کی ورلڈ کپ مہم اب تک خراب رہی ہے اور اسے مسلسل چار میں شکست کا سامنا کرنا پڑا ہے۔

افغانستان کے ہاتھوں آٹھ وکٹوں کی شکست کے بعد آسٹریلیا اور جنوبی افریقہ سے شکست نے مزید ڈرامہ برپا کردیا ہے۔

پی سی بی نے ایک پریس ریلیز جاری کی جس میں کہا گیا ہے کہ پاکستان کے کپتان بابر اعظم اور چیف سلیکٹر انضمام الحق دونوں کو ورلڈ کپ کے لئے مطلوبہ کھلاڑیوں کے انتخاب کا مکمل اختیار دیا گیا ہے۔

اعلامیے میں مزید کہا گیا ہے کہ بورڈ ورلڈ کپ میں ٹیم کی کارکردگی کی بنیاد پر پاکستان کرکٹ کے بہترین مفاد میں فیصلے کرے گا۔

ویب سائٹ نے لکھا ہے کہ ایک سینئر کھلاڑی نے کرکٹ کی معروف ویب سائٹ کو انٹرویو دیتے ہوئے کہا کہ بورڈ چاہتا ہے کہ ٹیم ناکام ہو، وہ نہیں چاہتے کہ ہم ورلڈ کپ جیتیں تاکہ وہ تبدیلیاں کرسکیں اور اس بات کا کنٹرول سنبھال سکیں کہ کون ٹیم کی قیادت کرتا ہے اور کون ٹیم میں آتا ہے۔

دوسری جانب پاکستان کرکٹ ٹیم کے ڈائریکٹر مکی آرتھر نے جنوبی ایشیائی ٹیم کو ون ڈے انٹرنیشنل کرکٹ ورلڈ کپ میں مسلسل چوتھی شکست کے بعد کپتان بابر اعظم اور ٹیم مینجمنٹ کو نشانہ بنانے کے خلاف خبردار کیا ہے۔

مکی آرتھر نے صحافیوں سے گفتگو کرتے ہوئے کہا تھا کہ بابر اعظم، انضمام الحق، کوچز اور مینجمنٹ ٹیم پر تنقید شروع کرنا ناانصافی ہے۔

مکی آرتھر نے کہا کہ میں جانتا ہوں کہ لڑکوں نے کوشش کی ہے اور کوچنگ اسٹاف کی کوشش فرسٹ کلاس رہی ہے۔ اگر وہ دیکھیں گے کہ کھلاڑیوں اور عملے نے کتنی محنت کی ہے تو وہ حیران رہ جائیں گے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/10/260324/amp/ کو لائک کریں