برطانیہ میں ایک مسلمان خاتون پر ایک اجنبی شخص نے کنکریٹ کی تختی سے حملہ کر دیا کیونکہ اس نے حجاب پہنا ہوا تھا۔

عرب میڈیا کے مطابق برطانیہ کے ڈیوسبری علاقے میں پیش آنے والے اس واقعے کی سی سی ٹی وی فوٹیج میں دیکھا جا سکتا ہے کہ ایک نقاب پوش شخص اس خاتون پر کنکریٹ کی ایک بڑی سلیب حملہ کرتا ہے۔

حملہ آور شخص نے پہلے خاتون کا راستہ روکا پھر وہ کنکریٹ کو خاتون کے سر پر پھینک دیتا ہے۔ مسلمان خاتون اس اچانک حملے کی وجہ سے خود کو بچا نہ سکی اور زخمی ہو گئی۔

متاثرہ خاتون نوکری کے انٹرویو سے قبل ایک ٹیک اوے کی دکان کے باہر انتظار کر رہی تھی جبکہ اس کا شوہر 40 سالہ عید کریمی دکان کے اندر اپنی بیوی کے لیے کھانا خرید رہا تھا۔

کریمی نے بعد میں دیگر پیدل چلنے والوں کے ساتھ مل کر حملہ آور کا پیچھا کیا اور اس پکڑ کر پولیس کے حوالے کردیا۔

عید کریمی کا کہنا تھا کہ ان کی اہلیہ کو اس لیے نشانہ بنایا گیا کیونکہ انہوں نے حجاب پہنا ہوا تھا۔

ویسٹ یارکشائر پولیس کا کہنا ہے کہ اس شخص کو حراست میں لے لیا گیا ہے تاہم انہوں نے اس بات پر تبصرہ کرنے سے انکار کر دیا کہ آیا اس معاملے کو نفرت پر مبنی جرم کے طور پر دیکھا جا رہا ہے یا نہیں۔

یہ حملہ ایک ایسے وقت میں ہوا ہے جب برطانیہ میں غزہ میں تشدد کے پھیلاؤ کے دوران اسلاموفوبیا کے جرائم میں اضافہ ریکارڈ کیا گیا ہے۔

اکتوبر میں لندن میں اسلاموفوبیا کے جرائم میں گزشتہ سال کے اسی عرصے کے مقابلے میں 140 فیصد اضافہ ہوا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/10/389711/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/10/389711/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں