لاہورہائی کورٹ کے دوججز نے چوہدری پرویزالہی کے کیس کی سماعت کرنے سے معذرت کرلی۔

تفصیلات کے مطابق لاہورہائی کورٹ میں سابق وزیراعلٰی پنجاب چوہدری پرویزالہی کوکرپشن کےمقدمے سےڈسچارج کرنے کے مجسٹریٹ کےفیصلے کوکالعدم قرار دینے کےخلاف اپیل کی سماعت کے دوران جسٹس شہرام سرورچوہدری اورجسٹس علی ضیاء باجوہ نے کیس کی سماعت سے معذرت کرلی۔

عدالت نے کیس دوسرے بنچ میں بھجوانے کی سفارش کرتے ہوئے کہا کہ ذاتی وجوہات کی بنا پر کیس کی سماعت نہیں کرسکتے۔

پرویز الہی نے اپنے وکیل آفتاب باجوہ کےتوسط سے انٹراکورٹ اپیل دائرکررکھی ہے، اپیل میں مقدمے کےتفتیشی افسر کو فریق بنایا گیا ہے۔

چوہدری پرویز الٰہی کی جانب سے درخواست میں مؤقف اپنایا گیا کہ جوڈیشل مجسٹریٹ نے قانون کےمطابق پرویز الہی کےجوڈیشل ریمانڈ کی استدعا مسترد کی۔ جوڈیشل مجسٹریٹ نے شواہد نہ ہونے کی بنا پر پرویز الہی کوکرپشن کےمقدمے سے ڈسچارج کیا۔ تفتیشی افسر نے پرویز الہی کومقدمے سےڈسچارج کرنے کےمجسٹریٹ کےفیصلے کو ہائیکورٹ چیلنج کیا۔

وکیل درخواست گزار نے مؤقف اپنایا کہ ہائیکورٹ کےسنگل بنچ نے دائرہ اختیار نہ ہونے کےباوجود جوڈیشل مجسٹریٹ کافیصلہ کالعدم قراردیا۔ اینٹی کرپشن اور نیب سمیت دیگر کیسز کی سماعت صرف مختص کردہ بنچز ہی کرسکتے ہیں۔ استدعا ہے کہ عدالت سنگل بنچ کے فیصلے کوکالعدم قراردے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/10/420228/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/latest/2023/10/420228/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔