بھارت کی معروف اداکارہ بپاشا باسو کی بیٹی کے ہمراہ تصاویر وائرل ہو گئیں۔

 حال ہی میں اداکارہ نے اپنی انسٹاگرام اسٹوری پر بیٹی کے ہمراہ کچھ تصاویر پوسٹ کی ہیں جسے مداحوں کی جانب سے خوب پسند کیا جارہا ہے۔

شیئر کی گئی تصاویر میں اداکارہ کو اپنی بیٹی سے باتیں کرتے ہوئے دیکھا جا سکتا ہے۔

 آج کل بپاشا باسو اپنی بیٹی دیوی کے ساتھ وقت گزارنے میں مصروف ہیں اور یہ ہی وجہ ہے کہ وہ بڑے پردے سے بھی دور ہیں۔

بپاشا اور کرن سنگھ گرور کی پہلی ملاقات 2015 کی فلم آلون کے سیٹ پر ہوئی تھی جس کے بعد دونوں نے شادی کا فیصلہ کیا۔

30 اپریل 2016 کو بپاشا نے اداکار کرن سنگھ گروور سے شادی کی تھی۔

واضح رہے اس جوڑی کے ہاں 12 نومبر 2022 کو بیٹی کی ولادت ہوئی تھی۔ بپاشا باسو کے کیریئر کے حوالے سے بات کی جائے تو اداکارہ نے بطور ماڈلنگ اپنے کیریئر کا آغاز کیا اور 2001 میں اپنی پہلی فلم اجنبی سے ڈیبیو کیا۔

 اداکارہ نے  ہندی فلم انڈسٹری میں صرف اور صرف اپنی محنت کے بل بوتے پر جگہ بنائی۔

 اداکارہ نے متعدد زبانوں میں 50 سے زیادہ فلموں میں کام کیا جن میں فلم راز سمیت جسم، رودرکش، برسات، اپاہرن، نو انٹری، اور بہت سی فلمیں اداکارہ کی وجہ شہرت بنیں۔

 واضح رہے بپاشا نے 2013 میں تاریخی رومانوی فلم دی لورز سے ہالی وڈ میں بھی قدم رکھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/latest/2023/10/437515/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/latest/2023/10/437515/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں