حکومت کے پاس ڈالرزکی کمی کے باعث نگراں وزیراعظم نے آئندہ حج اسکیم میں سپانسرشپ اسکیم کا حج کوٹہ دس ہزار سے بڑھاکر 25ہزار کرنے کی ہدایت کردی۔

تفصیلات کے مطابق یہ ہدایت وزارت خزانہ کی طرف سے ڈالرز کی فراہمی میں مشکلات کے باعث کی گئی ہے جس سے سپانسرشپ سکیم کی حج درخواستیں ڈالرز کے ساتھ جمع ہوں گی۔

ذرائع کے مطابق بیرون ملک پاکستانیوں کے لئے حج درخواستوں کے ساتھ ڈالرز کی آسان منتقلی کے لئے روشن ڈیجیٹل اکاونٹ کے طریقہ کار سے فائدہ اٹھانے کی تجویز دے دی گئی۔

گزشتہ سال اسپانسرشپ اسکیم 45000رکھی گئی تھی، گزشتہ سال کی 45000ہزار میں سے صرف 7ہزار حج درخواستیں آئی تھیں۔

آئندہ سال کے لئے حج سپانسرشپ سکیم میں گزشتہ سال پیش آنے والی رکاوٹوں کو دور کرنے کی منصوبہ بندی کی جارہی ہے۔

 ذرائع وزارت مذہبی امورکے مطابق  بیرون ملک پاکستانیوں کے پاسپورٹس اور ڈالرز میں رقم کی منتقلی آسان بنائی جائے گی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/10/439293/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/latest/2023/10/439293/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔