سینیٹ کی قائمہ کمیٹی برائے پاورنے این ٹی ڈی سی بورڈ کیخلاف تحریک استحقاق لانےکا فیصلہ کیا ہے۔

تفصیلات کے مطابق اجلاس میں داسو ٹرانسمیشن لائن کی تعمیر میں غیر قانونی ٹھیکے دینے کا معاملہ زیر بحث آیا۔ این ٹی ڈی سی متعلقہ بورڈ میٹنگ کی ریکارڈنگ آج بھی اجلاس میں پیش نہ کی جس کے بعد قائمہ کمیٹی نے این ٹی ڈی سی بورڈ کے خلاف تحریک استحقاق لانے کا فیصلہ کیا۔

اجلاس میں رکن کمیٹی سنیٹر دلاور خان کی معاملہ نیب کو بھیجنے کی تجویزدی گئی، رکن کمیٹی سیف اللہ نیازی نے کہا کہ آئندہ میٹنگ میں این ٹی ڈی سی کے بورڈ کو طلب کریں۔

چیئرمین کمیٹی سیف اللہ ابڑونے این ٹی ڈی سی حکام کی سرزنش کرتے ہوئے کہا کہ ہم آپ کو اُس جگہ پہنچائیں گے آپ یاد رکھیں گے، آپ کا بورڈ کیسے ہمارے اختیار چیلنج کرسکتا ہے۔

سیف اللہ ابڑو نے کہا کہ آپ کا بورڈ یتیموں کا ٹولا ہے، سیاسی بھرتیوں سے بھرا ہوا ہے جبکہ اراکین کمیٹی نے کہا کہ کمیٹی فیصلہ کرے ہم سپریم ہیں یا این ٹی ڈی سی بورڈ؟ سینیٹردلاورخان نے کہا کہ کمیٹی ایوان بالا کی نمائندگی کرتی ہے۔

سینیٹر بہرامند تنگی نے تجویزدی کہ سیکریٹری پاورڈیویژن کے خلاف تحریک استحقاق نہ لائیں، صرف این ٹی ڈی سی بورڈ ممبرز کے خلاف یہ اقدام ہونا چاہیے۔

ایڈیشنل پاور کمیٹی نے کہا کہ ریکارڈ فراہمی میں تاخیر ہو جاتی ہے، اس کے لیے مختلف مراحل میں منظوری درکار ہوتی ہے، این ٹی ڈی سی کی طرف سے ریکارڈ فراہمی میں تاخیر پر معذرت چاہتے ہیں۔ چیئرمین کمیٹی نے کہا کہ داسو ٹرانسمیشن لائن ٹھیکوں میں شفافیت نہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/10/463932/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/latest/2023/10/463932/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔