بالی وڈ اداکار اکشے کمار کی فلم مشن رانی گنج  نے ریلیز کے دوسرے روز 4.6 کروڑ کا بزنس کر لیا ہے۔

 رپورٹ کے مطابق فلم مشن رانی گنج کے ریلیز کے افتتاحی روز صرف 6000 ٹکٹ فروخت ہوئے تھے جو اکشے کی دیگر فلموں کے مقابلے میں بہت کم ہیں۔

 فلم مشن رانی گنج کے بزنس کے حوالے سے بات کی جائے تو بھارت میں اس نے ریلیز کے پہلے روز 2.85 کروڑ جبکہ دوسرے روز 4.6 کروڑ کا بزنس کیا یعنی کل ملا کر اس فلم نے 7.45 کروڑ کا بزنس کیا ہے۔

فلم مشن رانی گنج میں اکشے کماربھارت کے سب سے بڑے ریسکیو مشن کے بہادر ہیرو جسونت سنگھ گل کا کردار ادا کر رہے ہیں۔

ریسکیو مشن کے بہادر ہیرو جسونت سنگھ جنہوں نے سال 1989 میں رانی گنج میں کوئلے کی ایک کان میں پھنسنے والے 65 افراد کوبچایا تھا جو سیلاب سے بچ جانے کے بعد کوئلے کی کان میں زندگی اور موت کی جنگ لڑ رہے تھے۔

 اکشے کمار عالمی وبا کورونا وائرس کے بعد سے فلم او ایم جی  2 کے علاوہ اب تک کوئی کامیاب فلم نہیں دے سکے ہیں۔

  بظاہر فلم مشن رانی گنج بھی باکس آفس پر کچھ اچھا بزنس کرتی نظر نہیں آ رہی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/10/573918/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/10/573918/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں