سپریم کورٹ نے پرنسپل سیٹ اسلام آباد کیلئے آئندہ ہفتے کی کاز لسٹ اور ججز روسٹر جاری کردیا۔

آئندہ ہفتے پرنسپل سیٹ اسلام آباد میں پانچ بینچز مقدمات کی سماعت کریں گے، بینچ ایک چیف جسٹس قاضی فائزعیسیٰ، جسٹس اطہر من اللہ اور جسٹس امین الدین پر مشتمل ہوگا جبکہ بینچ دو میں جسٹس سردار طارق مسعود، جسٹس یحیٰی آفریدی اور جسٹس عائشہ ملک شامل ہونگے۔

بینچ تین جسٹس اعجاز الاحسن، جسٹس مظاہر نقوی اور جسٹس محمد علی مظہر پر مشتمل ہوگا جبکہ بینچ چار میں جسٹس منصورعلی شاہ، جسٹس جمال مندوخیل اور جسٹس حسن اظہر رضوی شامل ہونگے۔

بینچ پانچ جسٹس منیب اختر، جسٹس شاہد وحید اور جسٹس مسرت ہلالی پر مشتمل ہوگا۔

نیب ترامیم فیصلےکے خلاف اپیل پرسماعت منگل کے روز ہوگی۔ فیض آباد دھرنا نظرثانی کیس کی سماعت بدھ کو ہوگی اور90 روز میں انتخابات کرانے سے متعلق کیس کی سماعت جمعرات کو ہوگی۔

اگرآپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/10/598486/amp/ کو لائک کریں۔