بالی وڈ اداکار شاہ رخ خان کی فلم ‘جوان’ نے 26 ویں دن دنیا بھر میں  6.80 کروڑ روپے کا بزنس کر لیا ہے۔

غیر ملکی خبر رساں ادارے کے مطابق شاہ رخ خان کی میگا تھرلر ایکشن فلم ’جوان‘ انڈین باکس آفس کے 600 کروڑ کے کلب میں داخل ہوگئی ہے۔

نامور فلمساز ایٹلی کی ہدایت کاری میں بننے والی فلم کی کامیابیاں جاری ہیں اور ’جوان‘ مقامی اور عالمی باکس آفس پر نئے ریکارڈ قائم کررہی ہے۔

فلم جوان 7 سمتبر کو ریلیز کی گئی تھی جو کہ شاہ رخ خان کی جنوبی انڈیا کے ڈائریکٹر ایٹلی کی ہدایت کاری میں پہلی فلم ہے۔

فلم کی ریلیز کو ابھی صرف 26 دن گزرے ہیں اور اس کا مجموعی بزنس پوری دنیا میں 1068 کروڑ تک پہنچ گیا ہے۔

دوسری طرف شاہ رخ خان ایک برس میں ہزار کروڑ کمانے والی 2 فلمیں کرنے والے بالی وڈ کے واحد اداکار بن گئے ہیں۔

’ فلم پٹھان‘ اور ’جوان‘ کی غیر معمولی کامیابی نے شاہ رخ خان کو تاریخ کا واحد اداکار بنا دیا جن کی 2 فلموں نے ایک برس کے دوران ایک ہزار کروڑ کا بزنس کیا ہے۔

یہ فلم اب تک کی سب سے زیادہ کمائی کرنے والی فلموں میں سے ایک بن گئی ہے۔

’فلم جوان‘ نے باکس آفس پر پہلے دن 74.50 کروڑ روپے کا بزنس کیا اور ہندی سنیما کی تاریخ میں سب سے بڑے افتتاحی دن کا ریکارڈ بنانے کا اعزاز بھی اپنے نام کیا۔

شاہ رخ خان کی ایک اور فلم ’ڈنکی‘ رواں برس کے آخر میں ریلیز ہوگی جسے لیجنڈری فلمساز راج کمار ہیرانی بنارہے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/10/621827/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/10/621827/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں