نگراں وزیرداخلہ سرفراز بگٹی نے کہا ہے کہ یکم نومبرکےبعدغیرقانونی طورپرمقیم غیرملکیوں کوڈی پورٹ کریں گے، ریاست پر حملہ آور ہونے والوں کو کچلا جائےگا

نگراں وزیرداخلہ سرفرازاحمد بگٹی نے نیوز کانفرنس کرتے ہوئے کہا کہ ایپکس کمیٹی کے اجلاس میں سیکیورٹی کی صورتحال سے متعلق جائزہ لیا گیا، پاکستان میں غیرمقامی طورپرمقیم غیرملکیوں کو یکم نومبرتک کی ڈیڈ لائن دی ہے، یکم نومبرکے بعد غیرقانونی طورپرمقیم غیرملکیوں کو ڈی پورٹ کریں گے۔ چودہ جوائنٹ چیک پوسٹیں بلوچستان، 10 پنجاب اورپانچ کے پی میں ہیں۔

سرفرازاحمد بگٹی نے کہا کہ ہرپاکستان کی سیکیورٹی ہمارے لیے سب سے مقدم ہے، کوئی شخص پاسپورٹ اورویزا کے بغیرپاکستان میں داخل نہیں ہو سکے گا۔ غیرقانونی طورپرمقیم غیرملکیوں کی پراپرٹیزاورکاروبارکو بحق سرکارضبط کیا جائے گا۔ کئی لوگوں نے جعلی شناختی کارڈ بنوا رکھے ہیں۔ وزارت داخلہ میں اس سلسلے میں ٹاسک فورس کا قیام عمل میں لایاگیا ہے۔ جعلی شناختی کارڈ کے حامل افراد کا ڈی این اے ٹیسٹ کریں گے۔

پاکستان میں غیر قانونی طور پر مقیم غیر ملکیوں کو یکم نومبر کی ڈیڈ لائن دی ہے
نگراں وفاقی وزیر داخلہ سرفراز بگٹی کی نیوز کانفرنس
براہ راست دیکھیں:https://www.bolnews.com/urdu/latest/2023/10/630938/amp/#BOLNews #SarfrazBugti pic.twitter.com/3sNCGNZJ9X

Advertisement

— BOL Network (@BOLNETWORK) October 3, 2023

انھوں نے کہا کہ جھتےبناکراقلیتوں کونشانہ بنانےوالوں کوپرموٹ نہیں ہونےدینگے، بندوق کےزورپرکسی کواپناایجنڈامسلط نہیں کرنےدیں گے، افغانستان سے ہم پرحملے ہوتے ہیں، ہمارے پاس شواہد ہیں جس طرح ہم پر حملے ہوتے ہیں، وزارت داخلہ اس معاملے پراپنا کام کررہی ہے۔

وزیرداخلہ نے کہا کہ یونیز کی آڑ میں قانون ہاتھ میں لینےوالوں کےخلاف کارروائی ہوگی، ریاست پر حملہ آور ہونے والوں کو کچلا جائےگا، بندوق کے زورپرکسی کو ایجنڈامسلط نہیں کرنے دیں گے، کوئی دو رائے نہیں کہ افغانستان سے ہم پرحملے ہوتے ہیں۔ افغان شہری حملوں میں ملوث ہوتے ہیں تمام شواہد ہیں، جنوری سے اب تک 24خودکش حملےہوئے،14واقعات میں افغان شہری ملوث تھے۔ ہنگو دھماکے میں بھی افغان شہری کے ملوث ہونے کے شواہد ملے ہیں۔ نادرا کا فیملی ٹری خراب کرنے والوں کےخلاف کارروائی ہوگی۔

سرفرازبگٹی نے کہا کہ کسی کو اقلیتوں پر حملہ آور نہیں ہونے دیں گے، شناختی کارڈ کے اجرا میں بےضابطگیاں تھیں، پاکستان آئین اورقانون کے مطابق چلےگا، بندوق کے زورپرمسلط ایجنڈے کے مطابق زندگی نہیں گزاریں گے، منشیات کی لعنت کے خلاف بھرپور کارروائی کی جائے گی، اسگلنگ اورغیرقانونی سرگرمیوں کی اطلاع دینےوالےکانام رازمیں رکھاجائےگا، اسمگلنگ اورذخیرہ اندوزی کی روک تھام کیلئےچیک پوسٹیں بنادی ہیں۔ اسمگلنگ، ہنڈی حوالہ اور بجلی چوری کے خلاف کارروائی مزید سخت کی جائے گی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/10/630938/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/latest/2023/10/630938/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔