بالی وڈ اداکارہ کرینہ کپور کی فلم دی بکنگھم مرڈرز کا پہلا پوسٹر ریلیز کر دیا گیا ہے۔

کرینہ کی جانب سے انسٹاگرام پر شیئر کیے جانے والے پوسٹر میں دیکھا جا سکتا ہے کہ اداکارہ کو پولیس گرفتار کرکے لے کر جارہی ہے اور وہ اپنے آپ کو ان سے چھڑانے کی کوشش کر رہی ہیں۔

 پوسٹر دیکھ کر لگ رہا ہے کہ اس فلم میں ان کے جاسوس اور ماں کے کردار کو کافی پسند کیا جائے گا۔

تاہم اس فلم کی پرڈیوسر ایکتا کپور نے بھی فلم کا پوسٹر شیئر کرتے ہوئے لکھا کہ بڑے فخر کے ساتھ پہلا پوسٹر شیئر کر رہی ہوں۔

اتوار کے روز کرینہ نے انسٹاگرام پر ہنسل مہتا کی اس فلم کی کچھ جھلکیاں بھی شیئر کی تھیں۔

اداکارہ نے شیئر کی جانے والی تصاویر کی کیپشن میں لکھا تھا کہ جسمیت بھرما وہ کردار ہے جس کیلئے وہ پچھلے 23 سالوں سے انتظار کررہی تھیں۔

کرینہ نے بتایا کہ میں جاسوسی سیریز کی بہت بڑی مداح ہوں اور میں نے متعدد جاسوسی سیریزاور فلمیں بھی دیکھی ہیں۔

کرینہ کی فلم دی بکنگھم مرڈرز کا پہلا پریمیئر بی ایف آئی لندن فلم فیسٹیول میں 14 اکتوبر کو ہوا تھا جسے لوگوں کی جانب سے کافی پسند کیا گیا تھا۔

رپورٹ کے مطابق آسیم اروڑہ، راگھو راج کاکر، اور کشیپ کپور کی مشترکہ طور پر تحریر کردہ اور ہنسل مہتا کی ہدایت کاری میں بننے والی اس فلم کو ایکتا کپور نے پروڈیوس کیا ہے جس میں کرینہ کپور شریک پروڈیوسر بھی ہیں۔

پہلی بار بطور پروڈیوسر خدمت انجام دینے پر اداکارہ کرینہ نے کہا کہ میں بہت خوش ہوں اور امید کرتی ہوں میری محنت سب کو ضرور پسند آئے گی۔

واضح رہے حال ہی میں کرینہ کپور خان نے فلم جانے جان سے او ٹی ٹی پر شاندار ڈیبیو کیا جسے شائقین کی جانب سے بہت پسند کیا گیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/latest/2023/10/638608/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/10/638608/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں۔