بالی وڈ کی اداکارہ کرینہ کپور نے اپنی بڑی بہن اداکارہ کرشمہ کے لیے مزاح سے بھرپور پوسٹ شیئر کر دی۔

کرینہ نے اپنی انسٹاگرام اسٹوری پر ایک پوسٹ شیئر کی جس میں انہوں نے اپنی بہن کرشمہ کے لیے دلچسپ جملہ لکھا۔

اداکارہ نے لکھا کہ آخر گھر کی بڑی بیٹی خود کو گھر کا سربراہ کیوں سمجھتی ہیں۔

کرینہ کی اس پوسٹ پر اداکارہ کرشمہ نے بھی دلچسپ جواب دیتے ہوئے کہا کہ اب میں ہی گھر کا اہم سربراہ ہوں۔

کرینہ اور کرشمہ بالی وڈ کی مشہور اداکارائیں ہونے کے ساتھ ساتھ بہنیں بھی ہیں۔

یہ ہی وجہ ہے کہ دونوں ایک دوسرے کی بہترین دوست ہیں اور مختلف تقریبات میں بھی ایک ساتھ نظر آتی ہیں۔

کرینہ نے حال ہی میں ریلیز ہونے والی نیٹ فلکس تھرلر جانے جان میں اداکاری کے بہترین جوہر پیش کیے ہیں جسے شائقین کی جانب سے بہت پسند کیا جا رہا ہے۔

 اس کے علاوہ کرشمہ بھی ایک بار پھر بالی وڈ فلم انڈسٹری میں کام کرنے کے لیے تیار ہیں۔

اداکارہ کرشمہ نے گزشتہ روز ہونے والے لیکمی فیشن شو میں بھی ریمپ پر جلوے بکھیر کر تقریب کو چار چاند لگا دیے۔

واضح رہے سوشل میڈیا پر وائرل ہونے والی ویڈیو میں اداکارہ کو دیدہ زیب لباس میں دیکھا جا سکتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/latest/2023/10/795778/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/10/795778/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں۔