بھارت کے سابق کھلاڑی گوتم گمبھیر نے آئی سی سی ون ڈے ورلڈ کپ میں افغانستان کے خلاف پاکستان کی شکست کی وجہ بتا دی۔

تفصیلات کے مطابق آئی سی سی ون ڈے ورلڈ کپ میں افغانستان کے خلاف پاکستانی کرکٹ ٹیم کی ناقص کارکردگی پر بابر الیون پر سخت تنقید کی جا رہی ہے وہیں گوتم گمبھیر نے بھی ٹیم کی شکست کی وجوہات بتا دی۔

ورلڈ کپ میں آفیشل براڈ کاسٹر کے لیے کمنٹری کرنے والے سابق بھارتی کھلاڑی گوتم گمبھیر نے میچ کے بعد کہا کہ پاکستان کرکٹ ٹیم 1990 کی دہائی کے سحر سے باہر نہیں نکل رہی ہے۔

گوتم گمبھیر کے مطابق دور حاضر میں کرکٹ بہت جدید اور تیز ہو چکی ہے اور اس کھیل کے نئے قوانین نے بھی کھیل کے انداز کو بدل کر رکھ دیا ہے۔

سابق بھارتی کھلاڑی نے کہا کہ اب وہ دور نہیں ہے کہ آپ 270 یا 280 رنز بنائیں گے اور اپنی بولنگ سے دفاع کر لیں گے، آج کی کرکٹ میں دو نئی گیندیں، فلیٹ وکٹیں اور دائرے سے باہر صرف چار فیلڈر ہی رکھے جا سکتے ہیں، اب 270 یا 280 کا اسکور دفاع کے قابل نہیں رہا ہے۔

میگا ایونٹ میں پاکستانی ٹیم کی فیلڈنگ کے حوالے سے گوتم گمبھیر نے کہا گرین شرٹس ایشیا کپ سے ہی فیلڈنگ کے مسائل کا شکار ہے جس میں ورلڈ کپ کے دوران بھی کوئی بہتری نہیں آئی ہے۔

گوتم گمبھیر نے پاکستانی پیس بیٹری کو بھی سخت تنقید کا نشانہ بنایا، انہوں نے کہا کہ ایک صرف نسیم شاہ ایونٹ سے باہر ہوا ہے، شاہین اور حارث تو ٹیم میں موجود ہیں وہ کیا کر رہے ہیں، کیا یہ دونوں نسیم شاہ کے بغیر کچھ بھی نہیں ہیں۔

سابق بھارتی اوپنر نے افغانستان کے اسپن اٹیک کی تعریف کرتے ہوئے کہا کہ انہوں نے پاکستان کے خلاف وکٹیں لیں مگر پاکستانی اسپن بولر ایک بھی وکٹ لینے میں ناکام رہے۔

گوتم گمبھیر نے پاکستانی بیٹنگ لائن کی خامیوں کو اجاگر کرتے ہوئے کہا کہ ٹیم میں صرف افتخار احمد ایک ایسے کھلاڑی ہیں جو جارحانہ کھیل سکتے ہیں، اس کے علاوہ کوئی ایسا بیٹسمین نہیں ہے جو تیزی سے رنز بنا سکے۔

گوتم گمبھیر نے کہا پاکستانی ٹیم کو اپنی سوچ تبدیل کرنا ہو گی خاص طور پر بیٹنگ میں جارحانہ انداز اپنانا ہو گا، فیلڈرز کو بولرز کا ساتھ دینا ہو گا اور بولرز کو ابتدائی اوورز میں وکٹ لینا ہو گی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/10/826273/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/10/826273/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں