پاکستان کرکٹ ٹیم کے ٹیسٹ اوپننگ  بلے باز امام الحق  کی دلہن کی تصاویر وائرل ہوگئیں۔

تفصیلات کے مطابق معروف میزبان و فیشن ڈیزائنر حسن شہریار یاسین (ایچ ایس وائی) کے آفیشل انسٹاگرام   اکاؤنٹ پر امام الحق کی دلہن انمول محمود کی تصاویر شیئر کی گئیں۔

انہوں نے امام الحق اور انمول  محمود کو ٹیگ کرتے ہوئے کیپشن میں لکھا’امام کی انمول‘۔

دیکھتے ہی دیکھتے تصاویر سوشل میڈیا وائرل  ہوگئیں اور مداحوں کی جانب سے ان کی خوب تعریف کی گئی اور دونوں کو مبارک باد بھی دی جانے لگی۔

خیال رہے کہ حال ہی  میں  بھارت میں ہونے والے کرکٹ ورلڈکپ 2023  میں ٹیم کے گروپ مرحلے میں باہر ہونے کے بعد بلے باز امام الحق اپنی شادی کی تیاریوں میں مصروف ہیں۔

وہ بہت  جلد اپنی زندگی کے نئے سفر کا آغاز کرنے والے ہیں۔

میڈیا رپورٹس کے مطابق کرکٹر کی شادی کی تقریبات کا آغاز 23 نومبر  کو قوالی نائٹ سے ہوگا تاہم اس حوالے سے  مزید تفصیلات ظاہر نہیں کی گئیں۔

امام الحق کے نکاح کی تقریب 25 نومبر اور ولیمہ 26 نومبر کو شیڈول ہے۔

ذرائع کا کہنا ہے کہ امام الحق کی شادی کی تقریبات میں سابق کپتان بابر اعظم سمیت محمد رضوان، فخر زمان، شاداب خان اور دیگر قومی کرکٹرز کی شرکت کا امکان ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/latest/2023/11/120979/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/11/120979/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں