اسلام آباد: نگران وزیر برائے اطلاعات و نشریات مرتضیٰ سولنگی نے کہا ہے کہ چین کی وزارت باہمی دلچسپی کے شعبوں میں وسیع تر افہام و تفہیم اور تعاون کو فروغ دینے کے لیے چینی کاروباری اداروں کو ہر ممکن تعاون فراہم کرنے میں بڑا کردار ادا کرے گی۔

نگران وفاقی وزیر مرتضیٰ سولنگی نے اسلام آباد میں سی پیک کے دس سالوں پر ایک رپورٹ کی رونمائی کی تقریب سے خطاب کرتے ہوئے کہا کہ سی پیک منصوبوں میں 85 ہزار سے زائد پاکستانیوں کو روزگار ملا اور پسماندہ علاقوں کی ترقی ہوئی جبکہ ان منصوبوں میں 25 ارب ڈالرز سے زائد کی سرمایہ کاری کی گئی۔

انہوں نے کہا کہ سی پیک پاکستان اور چین کے درمیان دیرینہ دوستی اور اسٹریٹجک شراکت داری کا ثبوت ہے۔

اس موقع پر نگران وزیر اطلاعات نے عالمی وباء کے دوران سی پیک منصوبے پر کام کرنے والے چینی اداروں کی مستقل مزاجی اور پیشہ ورانہ مہارت کو سراہا۔

مرتضیٰ سولنگی نے کہا کہ نگران وزیر اعظم انوار الحق کاکڑ کے دورہ چین کے دوران دونوں ممالک نے ہمہ موسمی تذویراتی تعاون پر مبنی شراکت داری اور مختلف شعبوں میں تعاون کو مزید گہرا کرنے کے عزم کا اعادہ کیا۔

انہوں نے مزید کہا کہ بیس ایم او یوز، پروٹوکول اور معاہدوں پر دستخط کیے گئے جن میں تعاون کے مختلف شعبوں بشمول انفرا اسٹرکچر، کان کنی، صنعت، سبز ترقی، صحت، خلائی تعاون، ڈیجیٹل اکانومی اور بہت سے دوسرے شامل ہیں۔

پاک چین دوستی کے ثمرات

پاکستان اور چین ہمیشہ ہر اچھے اور بڑے وقت میں ایک دوسرے کے شانہ بشانہ کھڑے رہے ہیں، پاکستان کی ترقی میں چین نے ہمیشہ اہم کردار ادا کیا ہے۔

11 اکتوبر کو چینی چینل سی جی ٹی این نے پاک چین دوستی پر خصوصی دستاویزی فلم نشر کی، جس میں پاکستان اور چین کے مشترکہ ترقیاتی منصوبوں پر معلومات فراہم کی گئیں۔

فلم میں دکھائے جانے والے منصوبے پاک چین دوستی کے منہ بولتے ثبوت ہیں۔ پاکستان میں ہر شہری ایک سال میں 1.5 کلو چائے پتی استعمال کرتا ہے اور ہمارے ملک میں ضرورت تھی کہ ہم چائے پتی کی پیداوار اپنے ملک میں ہی کریں، چین نے پاکستان میں چائے پتی کی پیداوار کے لیے موزوں زمین کی نشاندہی میں مدد کی۔

پاکستان میں تھری گورجس ساؤتھ ایشین انویسٹمنٹ لمیٹڈ اور سازگار انجینیئرنگ جیسی انڈسٹری بھی پاک چین مشترکہ کامیاب منصوبوں کی بہترین مثال ہے، پاکستان میں چین کی مدد سے 720 میگاواٹ صاف اور گرین بجلی کی پیداوار کی جارہی ہے۔

پاکستان سے ہر سال بےشمار طلبہ و طالبات چین کی جانب سے مہیا کردہ سکالرشپ پروگرام کے تحت اعلیٰ تعلیم حاصل کرنے چائنہ جاتے ہیں، چین کے تعاون سے پاکستان ایسے ہی ترقی کی راہ پر گامزن رہنے کا عزم رکھتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/122264/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/11/122264/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں