اسلام آباد ہائی کورٹ نے فریال تالپورکی درخواست واپس لینے کی استدعا منظورکرتے ہوئے کیس نمٹا دیا۔

تفصیلات کے مطابق اسلام آباد ہائی کورٹ میں جعلی بنک اکاؤنٹس کیس میں فریال تالپورکی اپریل 2019 کے نیب کے طلبی نوٹس کے خلاف درخواست پر سماعت ہوئی۔

سابق صدرآصف زرداری کی ہمشیرہ فریال تالپورنے نیب طلبی کے خلاف دائر درخواست واپس لے لی جس کے بعد اسلام آباد ہائی کورٹ نے درخواست واپس لینے کی استدعا منظور کرتے ہوئے کیس نمٹا دیا۔

جسٹس محسن اختر کیانی اور جسٹس سردار اعجاز اسحاق خان نے کیس کی سماعت کی جبکہ وکیل فاروق ایچ نائیک کے عدالت کے دیرسے پہنچنے پر ان کے معاون وکیل عدالت کے سامنے پیش ہوئے۔

معاون وکیل فاروق ایچ نائیک نے مؤقف اختیارکیا کہ مجھے درخواست واپس لینے کی ہدایت دی گئی ہے۔

فریال تالپور کے وکیل فاروق ایچ نائیک کچھ دیربعد کمرہ عدالت پہنچے، عدالت نے درخواست واپس لینے کی استدعا منظورکرتے ہوئے کیس نمٹا دیا۔

واضح رہے کہ فریال تالپور نے اپریل 2019 کے نیب طلبی نوٹسز کو چیلنج کر رکھا تھا۔

اگرآپ حالاتِ حاضرہ سے باخبر رہنا چاہتے ہیں تو ہمارےفیس بک پیج  https://www.bolnews.com/urdu/latest/2023/11/152723/amp/ کولائک کریں۔

ٹوئٹر پر ہمیں فالو کریں https://www.bolnews.com/urdu/latest/2023/11/152723/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔