بھارت نے نئی دہلی کی فضا کو اسموگ سے بچانے کے لیے مصنوعی بارش کا منصوبہ بنایا ہے۔

بھارتی میڈیا کے مطابق نئی دہلی جو دنیا کا سب سے آلودہ دارالحکومت ہے کو اسموگ سے بچانے اور شہر میں ہوا کے معیار کو بہتر بنانے کی کوشش میں پہلی بار مصنوعی بارش کرنے کا منصوبہ بنایا گیا ہے۔

اسموگ کی وجہ سے نئی دہلی کے تمام اسکولوں کو پہلے ہی بند کر دیا گیا ہے، تعمیراتی سرگرمیوں پر پابندی ہے اور انتظامیہ گاڑیوں کے استعمال پر پابندی لگانے کا سوچ رہی ہے۔

مقامی وزیر ماحولیات نے کہا کہ قانونی منظوری اور موسمی حالات پر منحصر ہے کہ حکام 20 نومبر کے آس پاس سے مصنوعی بارش برسائیں گے۔

دہلی کے وزیر ماحولیات گوپال رائے نے نامہ نگاروں کو بتایا کہ اس بات کا امکان ہے کہ اگر موجودہ موسمی حالات برقرار رہتے ہیں تو اس ہفتے یا مستقبل میں کچھ وقت تک آلودگی کی صورتحال ایسی ہی رہے گی۔

گوپال رائے نے کہا کہ مصنوعی بارش کرانے کے بارے میں ماہرین کے ذریعہ تیار کردہ تجویز جمعہ کو سپریم کورٹ میں پیش کی جائے گی۔

دہلی کے محکمہ ماحولیات کا کہنا ہے کہ وہ بادلوں پر مصنوعی بارش کے لی کیمیکل چھڑکنے کا ارادہ رکھتے ہیں، یہ ایک ایسی تکنیک ہے جو بارش پیدا کرنے کے لئے سلور آیوڈین جیسے مادوں کا استعمال کرتی ہے۔

بدھ کی صبح شہر کا ایئر کوالٹی انڈیکس 320 سے زیادہ تھا، جسے سوئس گروپ آئی کیو ایئر نے خطرناک قرار دیا تھا، جو بعد میں گر کر 294 ہو گیا۔

گزشتہ ہفتے ہوا کا معیار خراب ہونے پر سپریم کورٹ نے منگل کو نئی دہلی کے آس پاس کی ریاستوں کو حکم دیا کہ وہ کسانوں کو فصلوں کی باقیات جلانے سے روکیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/161692/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/11/161692/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں