سندھ ہائی کورٹ نے رفاعی پلاٹ سے غیر قانونی تعمیرات 7 روز میں مسمار کرنے کا حکم دے دیا۔

سندھ ہائیکورٹ میں گلستان جوہربلاک ون میں رفاعی پلاٹ پرغیرقانونی تعمیرات کے کیس میں عدالتی احکامات پرعملدرآمد سے متعلق درخواست پر سماعت ہوئی۔

سندھ ہائی کورٹ نے رفاعی پلاٹ سےغیرقانونی تعمیرات 7 روز میں مسمار کرنے کا حکم دیتے ہوئے سندھ بلڈنگ کنٹرول اتھارٹی، کے ڈی اے سمیت دیگر اداروں سے 7 یوم میں جواب طلب کرلیا۔

وکیل درخواست بیرسٹرعلی طاہرنے عدالت کے سامنے مؤقف اختیارکیا کہ رفاعی پلاٹ نمبر 26 اے پرغیر قانونی تعمیرات کی گئی ہے۔  عدالت نے 2022 میں متعلقہ تعمیرات مسمار کرنے کا حکم دیا تھا۔

وکیل درخواست گزارعلی طاہرنے مؤقف اپنایا کہ ایک سال گزرنے کے باوجود عدالتی حکم پرعملدرآمد نہ ہو سکا ہے۔ رفاعی پلاٹ پر قبضہ مافیا نے غیر قانونی تعمیرات کر کے گھر بنا ڈالے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/173650/amp/  کولائک کریں۔ ٹوئٹر پر ہمیں فالو کریں https://www.bolnews.com/urdu/latest/2023/11/173650/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔