پاکستان کے سابق کپتان سرفراز احمد کا کہنا ہے کہ ٹیپ بال کی مقبولیت سے لگتا ہے کہ جلد ہی ٹیپ بال کرکٹ ورلڈ کپ کا انعقاد ہو گا۔

تفصیلات کے مطابق قومی کرکٹ ٹیم کے سابق کپتان سرفراز احمد نے کراچی ٹیپ بال پریمیئر لیگ کی ٹرافی کی تقریب رونمائی کے موقع پر میڈیا سے گفتگو میں ٹیپ بال کرکٹ کے مستقبل کے حوالے سے بات کی۔

سرفراز احمد کا کہنا تھا کہ عالمی کرکٹ میں سب سے زیادہ تیزی سے مقبولیت حاصل کرنے والے فارمیٹ ٹی ٹوئنٹی کرکٹ کی ابتدا کراچی سے ہوئی تھی۔

سرفراز احمد نے ٹیپ بال کے مستقبل کے حوالے سے کہا کہ یہ فارمیٹ جلد ہی بین الاقوامی سطح پر اپنی پہچان بنا لے گا اور جلد ہی اس کا ورلڈ کپ بھی منعقد کیا جائے گا۔

سابق کپتان نے کہا کہ ٹیپ بال کرکٹ اب بہت تیزی کے ساتھ مقبولیت حاصل کر رہی ہے اور ملک کے طول و عرض میں ٹیپ بال کرکٹ کھیلی جا رہی ہے۔

واضح رہے کہ کراچی ٹیپ بال پریمیئر لیگ کے تیسرے سیزن کا آغاز یکم دسمبر سے شروع ہو گا، یہ لیگ کراچی میں کھیلی جائے گی جو 16 دسمبر تک جاری رہے گی۔

کراچی ٹیپ بال پریمیئر لیگ کی پلیئر ڈرافٹ اور ٹرافی کی رونمائی میں پاکستان کے سابق لیجنڈ کھلاڑی جاوید میانداد بھی شریک ہوئے تھے۔

کراچی ٹیپ بال پریمیئر لیگ کی ٹرافی کی رونمائی تقریب کے مہمان خصوصی گورنر سندھ کامران خان ٹیسوری تھے، انہوں نے اپنے پیغام میں کہا کہ کراچی ٹیپ بال کرکٹ کا اصل چہرہ ہے جہاں کے گلی کوچوں اور سڑکوں پر ٹیپ بال کھیلی جاتی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/217766/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/11/217766/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں