سانحہ بلدیہ فیکٹری کیس میں پولیس اور نادرا کی جانب سے رپورٹ عدالت می پیش کی گئی۔

سندھ ہائیکورٹ میں سانحہ بلدیہ فیکٹری عملدرآمد کیس کی سماعت کے دوران ایڈیشنل آئی جی کراچی خادم حسین رند عدالت میں پیش ہوئے اور مفرور اور اشتہاری ملزموں سے متعلق رپورٹ عدالت میں پیش کردی۔

نادرا حکام کی جانب سے بھی رپورٹ عدالت میں جمع کروائی گئی، جس میں وکیل نے بتایا کہ مفروراوراشتہاری ملزمان کا ریکارڈ جو ہمیں فراہم کیا گیا وہ مکمل نہیں، فراہم کیے گئے ریکارڈ میں ملزموں کے قومی شناختی کارڈ نمبر موجود نہیں، ہمیں تمام ترمعلومات فراہم کی جائیں تاکہ کارروائی شروع کی جائے۔

عدالت نے آئندہ سماعت پرمتعلقہ اداروں سے مزید پیش رفت رپورٹ طلب کرتے ہوئے کیس کی سماعت 19 دسمبرتک ملتوی کردی۔

عدالت نے مفروراوراشتہاری ملزموں کے شناختی کارڈ بلاک کرنے کا حکم دے رکھا ہے، پولیس کا کہنا ہے کہ سندھ بھرمیں 50 ہزار سے زائد ملزمان مفرور و اشتہاری ہیں۔

صوبے بھرکےمفرورملزمان کی گرفتاری کے معاملے میں ایڈیشنل آئی جی کراچی نے رپورٹ عدالت میں پیش کی جس میں بتایا گیا کہ  50 ہزار58 مفرورملزمان میں سے 1 ہزار 6 سو 32 ملزمان گرفتار ہوچکے ہیں، تین ہزار 16 مفرور ملزمان نے ضمانت حاصل کررکھی ہے۔

رپورٹ میں کہا گیا کہ 8 ہزارسے زائد مفرورملزمان کو فہرست سے نکال دیا گیا ہے، سندھ بھر میں 36 ہزار سے زائد مفرور ملزمان تا حال گرفتار نہیں ہوسکے۔ اس کے ساتھ ہی سندھ ہائی کورٹ نے رپورٹ کو ریکارڈ کا حصہ بنالیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/236753/amp/  کولائک کریں۔ ٹوئٹر پر ہمیں فالو کریں https://www.bolnews.com/urdu/latest/2023/11/236753/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔