آسٹریلیا میں آگ بجھانے والا ایک چھوٹا طیارہ امدادی کام کے دوران گر کر تباہ ہو گیا جس کے نتیجے میں 3 افراد ہلاک ہو گئے۔

غیر ملکی خبر رساں ادارے کے مطابق آسٹریلیا کے شمالی علاقے میں جنگلات میں لگی آگ کے خلاف لڑائی میں مدد کے دوران ایک ہلکا طیارہ گر کر تباہ ہو گیا جس کے نتیجے میں تین افراد ہلاک ہو گئے۔

طیارہ کوئنز لینڈ کے دارالحکومت برسبین سے 1600 کلومیٹر شمال مغرب میں واقع قصبے میک کنلے کے قریب گر کر تباہ ہوا۔

حکام کا کہنا ہے کہ اس کا استعمال آگ کی نقشہ سازی کے لیے کیا جا رہا ہے کیونکہ ریاست بھر میں ایک درجن سے زیادہ مقامات پر آگ جل رہی ہے۔

حادثے کی وجہ ابھی تک معلوم نہیں ہوسکی ہے اور آسٹریلین ٹرانسپورٹ سیفٹی بیورو اس کی تحقیقات کرے گا۔

آسٹریلیا کو 2019-2020 کے بعد سے جنگلات میں لگنے والی آگ کے شدید ترین موسم کا سامنا ہے، جب مشرقی ساحل پر قابو سے باہر آگ بھڑک اٹھی تھی۔

اس بھیانک آگ نے جنگلات کے بڑے حصے کو تباہ کردیا تھا اور لاکھوں جانوروں کو ہلاک کردیا تھا، جبکہ متعدد شہروں کو زہریلے دھوئیں میں ڈھانپ دیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/254053/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/11/254053/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں