توشہ خانہ کیس میں چیئرمین پی ٹی آئی کی ضمانت کی درخواست پرسماعت 6 دسمبرتک ملتوی کردی گئی۔

تفصیلات کے مطابق اڈیالہ جیل راولپنڈی میں القادرٹرسٹ 190 ملین پاؤنڈ اور توشہ خانہ کیس میں چیئرمین پی ٹی آئی اور ان کی اہلیہ بشری بی بی درخواست ضمانتوں پرسماعت ہوئی۔

کیس کی سماعت احتساب عدالت کے جج محمد بشیرنے کہ جبکہ چیئرمین پی ٹی آئی اور ان کی اہلیہ بشریٰ بی بی کمرہ عدالت میں موجود تھے۔

نیب کے پراسیکیوٹر سردار مظفرعباسی ٹیم کے ہمراہ عدالت میں پیش ہوئے جبکہ چیئرمین پی ٹی آئی اور بشریٰ بی بی کے وکیل سردار لطیف کھوسہ بھی کمرہ عدالت میں پیش ہوئے۔

جج محمد بشیرنے القادر ٹرسٹ 190 ملین پاؤنڈ کیس میں بشریٰ بی بی کی عبوری ضمانت میں 6 دسمبر تک توسیع کردی جبکہ  توشہ خانہ کیس میں چیئرمین پی ٹی آئی کی درخواست ضمانت پربھی سماعت 6 دسمبر تک ملتوی کردی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/354261/amp/  کولائک کریں۔ ٹوئٹر پر ہمیں فالو کریں https://www.bolnews.com/urdu/latest/2023/11/354261/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔