نیپال میں ایک بار پھر طاقتور زلزلے کی وجہ سے زمین لرز اٹھی ہے، زلزلے کے جھٹکے بھارت میں بھی محسوس کئے گئے۔

تفصیلات کے مطابق نیپال میں 6.4 شدت کے طاقتور زلزلے کے جھٹکے محسوس کئے گئے، زلزلے کے شدید جھٹکے بھارت کے مختلف شہروں میں بھی محسوس کئے گئے۔

بھارت کے دہلی این سی آر میں زلزلے کے شدید جھٹکے محسوس کیے گئے لیکن مقامی حکام نے فوری طور پر کسی کے زخمی ہونے یا شدید نقصان کی اطلاع نہیں دی۔

زلزلے کے جھٹکے دہلی، نوئیڈا اور گروگرام اور بہار سمیت شمالی بھارت میں بھی محسوس کیے گئے، لوگ خوف زدہ ہو کر گھروں سے باہر نکل آئے، تاہم مقامی حکام نے فوری طور پر کسی جانی یا مالی نقصان کی اطلاع نہیں دی۔

زلزلہ پیما مرکز کے مطابق زلزلے کا مرکز نیپال میں 10 کلومیٹر گہرائی میں تھا۔

نیپال میں ایک ماہ میں یہ تیسرا موقع ہے جب زلزلے کے شدید جھٹکے محسوس کیے گئے ہیں۔

نیپال سے بھی ابھی تک کسی جانی یا مالی نقصان کی اطلاع موصول نہیں ہوئی ہے۔