وفاقی کابینہ کی ذیلی کمیٹی برائے ای سی ایل کے اجلاس میں 41افراد کے نام ای سی ایل میں ڈالنے کی سفارش کی گئی۔

وفاقی کابینہ کی ذیلی کمیٹی برائے ای سی ایل کے اجلاس میں نیب کی سفارش پر 190 ملین پاونڈ اسکینڈل میں چیئرمین پی ٹی آئی سمیت 29 افراد کو ای سی ایل پرڈالنے کی سفارش کی گئی۔

وزیر داخلہ سرفرازاحمد بگٹی اور وزیر مواصلات و ریلویز شاہداشرف تارڑ کے علاوہ اجلاس میں وزارت داخلہ اوردیگراداروں کے افسران نے بھی شرکت کی۔

اجلاس میں ای سی ایل سے متعلق مختلف نوعیت کے کیسز کا جائزہ لیا گیا، ذیلی کمیٹی نے مختلف محکموں اور اداروں کی طرف سے بھیجے جانے والے 41 افراد کے نام ای سی ایل میں ڈالنے کی سفارش کی۔

13 مختلف نوعیت کےکیسزکو ای سی ایل سے نکالنے کی سفارش کےعلاوہ عدلیہ کی ہدایات پر7 افراد کے نام بھی ای سی ایل سے نکالنے کی سفارش کی گئی۔

اجلاس میں نظرثانی کےلئے پیش کی گئی اپیلوں میں سے 3 افراد کے نام ای سی ایل سے نکالنے کی سفارش بھی شامل ہے۔ ذیلی کمیٹی کی سفارشات حتمی منظوری کےلئے نگران وفاقی کابینہ کو ارسال کی جائیں گی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/373362/amp/  کولائک کریں۔ ٹوئٹر پر ہمیں فالو کریں https://www.bolnews.com/urdu/latest/2023/11/373362/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔