امریکہ کی ریاست ٹیکساس کے ہوائی اڈے پر ہنگامی لینڈنگ کے دوران ایک طیارہ کار سے ٹکرا گیا جس کے نتیجے میں ایک شخص زخمی ہو گیا۔

تفصیلات کے مطابق امریکی ریاست ٹیکساس کے ہوائی اڈے پر ہنگامی لینڈنگ کے دوران ایک چھوٹا طیارہ رن وے سے پھسل گیا اور قریبی سڑک پر چلنے والی ایک کار سے ٹکرا گیا جس کے نتیجے میں ایک شخص زخمی ہوگیا۔

ڈیلاس کے مضافاتی علاقے میک کینی میں ہنگامی لینڈنگ کے دوران پروپیلر طیارہ  پہلے ایک باڑ سے ٹکرا گیا جس کے نتیجے میں اس کا ایک پہیہ ٹوٹ گیا۔

پہیہ ٹوٹنے کی وجہ سے طیارہ پائلٹ سے بے قابو ہو گیا اور وہ سڑک پر گزرتی ہوئی ایک کار سے ٹکرا گیا۔

میک کینی فائر ڈپارٹمنٹ کی جانب سے جاری بیان کے مطابق دوپہر کو حادثے کے بعد طبی عملے نے طیارے میں موجود دونوں افراد کا معائنہ کیا اور کار کے ڈرائیور کو معمولی چوٹوں کے ساتھ اسپتال منتقل کیا۔

فائر ڈپارٹمنٹ نے بتایا کہ پرواز ڈیلاس سے 330 میل مغرب میں ٹیکساس کے آئل پیچ شہر مڈلینڈ سے روانہ ہوئی تھی اور ایرو کنٹری ایئرپورٹ پر ہنگامی لینڈنگ کی کوشش کر رہی تھی۔

فیڈرل ایوی ایشن ایڈمنسٹریشن حادثے کی وجوہات جاننے کی کوشش کر رہی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/448376/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/11/448376/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں